მედიის ინფორმაციით, დონალდ ტრამპი უკრაინისთვის 250 მილიონ დოლარიანი სამხედრო დახმარების შეწყვეტას აპირებს

აშშ-ის პრეზიდენტი დონალდ ტრამპი უკრაინისთვის 250 მილიონ დოლარიანი სამხედრო დახმარების შეწყვეტას აპირებს. ამის შესახებ დასავლური მედია ოფიციალურ წყაროებზე დაყრდნობით იტყობინება.

გავრცელებული ცნობით, თეთრი სახლის ლიდერმა იმ დახმარების პროგრამის გადახედვის ბრძანება გასცა, რომელსაც კიევი აღმოსავლეთ უკრაინაში რუსეთის მხარდაჭერილი სეპარატისტების წინააღმდეგ ბრძოლაში იყენებს.

როგორც „როიტერსი“ წერს, ტრამპის მოსაზრებით, ბიუჯეტიდან თანხების ხარჯვა უნდა მოხდეს აშშ-ის ინტერესების მიხედვით. თეთრ სახლს აღნიშნულთან დაკავშირებით ჯერჯერობით კომენტარი არ გაუკეთებია. თუმცა, ინფორმაციას უკვე გამოეხმაურნენ სენატორები.

საგარეო ურთიერთობათა კომიტეტის წევრმა რესპუბლიკელმა ადამ კინზინგერმა „ტვიტერზე“ დაწერა რომ ეს მიუღებელია.

„არასწორი იყო როდესაც ობამამ ვერ შეძლო უკრაინაში პუტინს მაგრად დადგომოდა და ახლა რაც ხდება, ესეც არასწორია“, - დაწერა მან.

შეგახსენებთ, რომ აშშ უკრაინას მას შემდეგ ეხმარება, რაც 2014 წელს რუსეთმა ყირიმის ანექსია მოახდინა და დონბასში პრორუსი სეპარატისტების მხარდაჭერა დაიწყო. დახმარების სახით კიევმა აშშ-სგან ბოლო ხუთ წელიწადში 3 მილიარდ დოლარზე მეტი მიიღო.

იხილეთ ვიდეო: დონალდ ტრამპი უკრაინისთვის 250 მილიონ დოლარიანი სამხედრო დახმარების შეწყვეტას აპირებს.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 11.12.2019
თემურ გოჩიტაშვილი - TANAP-ის ამოქმედების შედეგად საქართველო საერთაშორისო მასშტაბის მოთამაშედ ჩამოყალიბდა
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
ქართული USB კაბელი ტენე, მალე მეორადი ნარჩენებისგან დამზადდება
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში