ზვიად ზვიადაძე  - შევხვდით სოფელ ჩორჩანას მოსახლეობას და ავუხსენით, რომ არანაირი საშიშროება არ არსებობს და შეუძლიათ სოფელში ცხოვრება მშვიდად გააგრძელონ

შერიგებისა და სამოქალაქო თანასწორობის საკითხებში სახელმწიფო მინისტრის აპარატის აფხაზეთის ავტონომიური რესპუბლიკისა და ყოფილი სამხრეთ ოსეთის ავტონომიური ოლქის საკითხთა დეპარტამენტის ხელმძღვანელი ზვიად ზვიადაძე სოფელ ჩორჩანაში იმყოფებოდა.

როგორც „ინტერპრესნიუსს“ შერიგებისა და სამოქალაქო თანასწორობის საკითხებში სახელმწიფო მინისტრის აპარატიდან აცნობეს, თავდაპირველად იგი სოფლის მიმდებარე ტერიტორიაზე მოწყობილ პოლიციის საგუშაგოზე მივიდა, სადაც შინაგან საქმეთა სამინისტროს დანაყოფების წარმომადგენლებს ესაუბრა და ადგილზე სიტუაციას გაეცნო.

მოგვიანებით კი ხაშურის მაჟორიტარ დეპუტატთან სიმონ ნოზასთან, შიდა ქართლის სახელმწიფო რწმუნებულთან- გუბერნატორთან გიორგი ხოჯევანიშვილთან და მის მოადგილესთან ამირან ქრისტესიაშვილთან ერთად ჩორჩანას მოსახლეობას შეხვდა. საკანონმდებლო ორგანოს, ცენტრალური და ადგილობრივი ხელისუფლების წარმომადგენლებმა მოსახლეობას არსებული სიტუაცია გააცნეს და მათგან სოფლის პრობლემებისა და საჭიროებების შესახებ მიიღეს ინფორმაცია.

„როგორც ვიცით, ადგილზე 18 კომლი ცხოვრობს. ზაფხულში მოსახლეობა იმატებს. ამ ადამიანებს აქვთ გაზგაყვანილობა, ახლა მოსაგვარებელია შიდა სასოფლო გზები. სოფელს ემსახურება სკოლის ავტობუსი, აქვს მთის სტატუსი. თუმცა არსებობს პრობლემებიც.

„პირველ რიგში აქ დღეს უსაფრთხოების თემა იყო. მოსახლეობას ავუხსენით შექმნილი სიტუაცია.მოგეხსენებათ, სოფელ ჩორჩანას მიმდებარე ტერიტორიაზე, ოკუპირებული ტერიტორიის მიმართულებით, ქართული საგუშაგო მოეწყო. შესაბამისად, ის გაუგებრობები, რომლებიც ბოლო ორი დღის განმავლობაში იყო, რა თქმა უნდა, ადგილობრივებისთვის შეშფოთების საგანი გახდა. შევხვდით, ვესაუბრეთ, ავუხსენით, რომ არანაირი საშიშროება არ არსებობს და შეუძლიათ სოფელში ცხოვრება მშვიდად გააგრძელონ”, - განაცხადა ზვიად ზვიადაძემ.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
„თეგეტა მოტორსი“ 25 წლის იუბილეს აღნიშნავს
სამსუნგის 8K რეზოლუციის ტელევიზორების ლაინაფით ახალ მწვერვალებს იპყრობს
მერაბ ჭიქაშვილი - როგორ შეიძლება კადრების ისე დადგმა, რომ მასში მონაწილეობა მაღალი თანამადებობის პირებს მიაღებინო? (R)
კახა ძაგანია - "ნაცმოძრაობის" მმართველობისას ყველაზე მეტი გარდაცვლილი პატიმარი იყო და ამაზე ყველა საერთაშორისო ორგანიზაცია წერდა (R)
გიორგი ლომია - "პატრიოტთა ალიანსი" ერთადერთი ძალაა, რომელიც სამართლიანობას აღადგენს (R)
ირმა ინაშვილი - ჩვენ არავის მივცემთ იმის უფლებას, რომ გამარჯვება წაგვართვან! (R)