ხაშურის მუნიციპალიტეტის მერის წარმომადგენელი სოფელ ჩორჩანაში - ერგნეთში დაგეგმილი შეხვედრა კიდევ უფრო კონსტრუქციული იქნება და მეტ შედეგს გამოიღებს

ხაშურის მუნიციპალიტეტის მერის წარმომადგენლის სოფელ ჩორჩანაში ვაჟა ლომიძის ინფორმაციით, საოკუპაციო ხაზის სიახლოვეს რუსული საჯარისო დანაყოფის კუთვნილი ტექნიკა მეორე დღეა არ გამოჩენილა.

„სოფელში სიმშვიდეა, დე ფაქტო რეჟიმის მიერ კონტროლირებად სოფელ წნელისში გუშინ გამართული შეხვედრის შემდეგ, რაიმე საფრთხის ან დაძაბულობის მოლოდინი არც არის. ოკუპირებული ტერიტორიის პერიმეტრზე რუსული საჯარისო დანაყოფის კუთვნილი ტექნიკაც აღარ გამოჩენილა. ვფიქრობთ, რომ ამ დღეებში, ერგნეთში დაგეგმილი შეხვედრა კიდევ უფრო კონსტრუქციული იქნება და მეტ შედეგს გამოიღებს. რაც შეეხება ჩვენს პოლიციის საგუშაგოს, კვლავ რჩება იმ ადგილზე, სადაც რამდენიმე დღის წინ განთავსდა“, - განუცხადა „ინტერპრესნიუსს“ ხაშურის მუნიციპალიტეტის მერის წარმომადგენელმა სოფელ ჩორჩანაში.