დიმიტრი მედოევი - პროვოკაცია მიმართულია ჩვენს ტერიტორიაზე  სასარგებლო წიაღისეულის ხელში ჩაგდებისკენ - საქართველოს მთავრობამ სავარაუდოდ, ინვესტორი იპოვა, რომელსაც  ეს მიწები გადასცა

„სამხრეთ ოსეთის“ „საგარეო საქმეთა მინისტრის“ დიმიტრი მედოევის განცხადებით, საქართველოს მოქმედებები რესპუბლიკის ტერიტორიაზე არსებული სასარგებლო წიაღისეულის ხელში ჩაგდებისკენ არის მიმართული. მისივე თქმით, საქართველოს მთავრობას მისი გადაცემა უცხოელი ინვესტორებისთვის აქვს გადაწყვეტილი.

დიმიტრი მედოევმა პასუხი გასცა აშშ სახელმწიფო დეპარტამენტის განცხადებას, რომელშიც აშშ-ს საგარეო უწყება რუსეთის ფედერაციას მოუწოდებს, „გამოიყენოს ყველა არსებული გზა, რათა თავიდან აიცილოს სიტუაციის ესკალაცია ადმინისტრაციული გამყოფი ზოლის მიმდებარედ".

„როგორც იქნა აღელდნენ ამ პროვოკაციის ნამდვილი შემკვეთები. საქართველოს პროვოკაციას, შიდაპოლიტიკური მიზნების გარდა ჰქონდა კიდევ ერთი, სავარაუდოდ მთავარი მიზანი. ტერიტორია, რომელზეც არის საუბარი, დიდი ხანია ცნობილია „ტალკის“ და მარმარილოს გრანულების წარმოებით. საერთოდ ეს ხეობა მდიდარია მარმარილოს, სერპენტინიტის, ბარიტის და ნეფრიტის მარაგით, რომ აღარაფერი ვთქვათ სამრეწველო თიხის საბადოებზე და ძვირფასი ხის ჯიშების მთელ მასივებზე. ეჭვი მაქვს, რომ საქართველოს მთავრობამ იპოვა ინვესტორი, რომელსაც გადასცა ეს მიწები და ბიზნესის უსაფრთხო წარმოების გარანტიებიც მისცა“, - განაცხადა მედოევმა.

მისივე სიტყვებით, საქართველოს მხარესთან ბევრი კითხვაა, მაგრამ მთავარი მაინც შემდეგია: „როგორ შეიძლება სიტყვით სამშვიდობო პროცესისკენ მიისწრაფოდე, რეალურად კი ვიღაცის ანგარებიანი ინტერესების გამო საქმე ომის გაჩაღებამდე მიიყვანო“.

ამ ინფორმაციას „sputnik-ossetia.ru“ ავრცელებს.

ხათუნა ბურკაძე - გლობალური გამოწვევები გლობალურ ძალისხმევას მოითხოვს, თუმცა, სახელმწიფოებმა უფრო მეტი წინდახედულება უნდა გამოიჩინონ საკუთარი რესურსების  შესაქმნელად
ქართული პრესის მიმოხილვა 30.03.2020
ვალერი სოლოვეი - თუ დაავადებულთა აბსოლუტურ ციფრებს გავითვალისწინებთ, რუსეთი ევროპაში იტალიისა და ესპანეთის შემდეგ მესამე ადგილზეა
BTU-ს ახალი ამერიკული პარტნიორი StrategEast ქვეყანაში ტექნოლოგიური ჰაბის განვითარების პროცესში ერთვება
სილქნეტის მობილური აბონენტები საქართველოს ბანკის მობილბანკით სარგებლობას ინტერნეტის გახარჯვის გარეშე შეძლებენ
კომპანია “გრინჰილი“ უერთდება COVID-19-ის წინააღმდეგ ბრძოლის კამპანიას და ამ მიზნით სახელმწიფო ფონდში 100,000 ლარი ჩარიცხა
უკონკურენტო საბანკო მოდელი "პროკრედიტ ბანკისგან", ვიდეო იდენტიფიკაცია, ფილიალის ალტერნატივად
კომპანია „თბილღვინომ“ StopCov ფონდში 50 000 ლარი გადარიცხა
31 მარტიდან Wolt-ით შეკვეთის განთავსება 09:00-19:30 საათებში იქნება შესაძლებელი