მეუღლის ინფორმაციით, 20 ივნისის აქციის საქმეზე დაკავებული ლევან ჯიქური საპატიმრო დაწესებულებაში შიმშილობს

20 ივნისის აქციის საქმეზე დაკავებული ლევან ჯიქური მე-3 დღეა საპატიმრო დაწესებულებაში შიმშილობს. ამის შესახებ ლევან ჯიქურის მეუღლემ განაცხადა.

მისივე თქმით, ლევან ჯიქურს ჯანმრთელობის პრობლემები აქვს.

„მისი ჯანმრთელობის მდგომარეობა სტაბილური არ არის. მას ხელი და ფეხი გაკავებული აქვს. ჯანმრთელობის პრობლემები მას ადრეც ჰქონდა. ვიმედოვნებ, რომ გაითვალისწინებენ ლევანისა და მისი ოჯახის მდგომარეობას და 9 სექტემბერს მას გირაოს სანაცვლოდ გაათავისუფლებენ. თუ 9 სექტემბერს ჩემი მეუღლე არ გაათავისუფლეს, მე მასობრივ პროტესტს დავიწყებ, ყველა დიპლომატიურ სტრუქტურას შევაწუხებ და ვაცნობებ, რომ მე და ჩემს ოჯახს ეს მთავრობა უპატრონოდ გვტოვებს“, -განაცხადა ლევან ჯიქურის მეუღლემ.