თავდაცვის უწყების თანამშრომლებმა ინგლისური ენის კურსი დაასრულეს

საქართველოს თავდაცვის სამინისტროს „არმიჰოლში“ ინგლისური ენის კურსის დასრულების ცერემონიალი გაიმართა. ამის შესახებ „ინტერპრესნიუსს“ თავდაცვის სამინისტროდან აცნობეს.

მათივე ინფორმაციით, კურსდამთავრებულებს სერტიფიკატები დიდი ბრიტანეთისა და ჩრდილოეთ ირლანდიის გაერთიანებული სამეფოს სამხედრო ატაშემ საქართველოში, ვიცე-პოლკოვნიკმა დეივიდ ეთელმა, ბრიტანეთის საბჭოს დირექტორმა ზაზა ფურცელაძემ, სასწავლო ცენტრის მენეჯერმა სტივენ შელიმ და საქართველოს თავდაცვის სამინისტროს ადამიანური რესურსების დეპარტამენტის უფროსმა დავით გუნაშვილმა გადასცეს. ამასთან, მათ კურსდამთავრებულებს კურსის დასრულება, მიულოცეს, შემდგომი წარმატება უსურვეს და ასევე, თავდაცვის ძალებში ინგლისური ენის შესწავლის მნიშვნელობაზე ისაუბრეს.

„თავდაცვის უწყების თანამშრომლებისთვის ინგლისური ენის კურსი დიდი ბრიტანეთისა და ჩრდილოეთ ირლანდიის გაერთიანებული სამეფოს საელჩოს მხარდაჭერით, ბრიტანეთის საბჭოს ორგანიზებით და გაერთიანებული სამეფოს თავდაცვის სამინისტროს დაფინანსებით ხორციელდება.

ინგლისური ენის კურსი უწყების 21-მა სამხედრო და სამოქალაქო პირმა გაიარა. 120 საათიანი სასწავლო კურსის განმავლობაში მსმენელებმა ინგლისურ ენაში წერის, კითხვის და მოსმენის უნარები გაიუმჯობესეს. თავდაცვის უწყების თანამშრომლებისთვის ინგლისური ენის კურსი რეგულარულად ტარდება და მომავალშიც გაგრძელდება“, - ნათქვამია ინფორმაციაში.

მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
ქართული პრესის მიმოხილვა 13.11.2019
ვახტანგ ძაბირაძე - ოპოზიციაში არ ჩანს ოპოზიციური ძალა, რომელიც ოპოზიციურად განწყობილი პოლიტიკური ძალებისა და ელექტორატის ლიდერი გახდებოდა
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა
„სამ რაან სპა-ცენტრი“ ევროპის საუკეთესო სპად დასახელდა