სუს-ის წარმომადგენელმა მედიას ის უპილოტო საფრენი აპარატი წარუდგინა, რომელიც ქარელის მუნიციპალიტეტის ტერიტორიაზე გუშინ ჩამოვარდა

ერგნეთში დაგეგმილი შეხვედრის დაწყებამდე საქართველოს სახელმწიფო უსაფრთხოების სამსახურის საინფორმაციო-ანალიტიკური დეპარტამენტის უფროსის მოადგილემ მედიას ის უპილოტო საფრენი აპარატი წარუდგინა, რომელიც ქარელის მუნიციპალიტეტის ტერიტორიაზე გუშინ ჩამოვარდა.

„ეს გახლავთ ის დრონი, რომელიც გუშინ ჩამოვარდა ქარელის მუნიციპალიტეტის ტერიტორიაზე. აღნიშნული დრონი შეეჯახა სამოყვარულო დრონს, რის შედეგადაც ორივე მათგანი ჩამოვარდა. მოგეხსენებათ ასევე, რომ იმ წუთში გაჟღერდა უსაფუძვლო ბრალდებები თითქოს აღნიშნული დრონი ჩამოგდებულ იქნა ვითომდა ჩვენი პოლიციის ქვედანაყოფის მიერ გახსნილი ცეცხლის შედეგად, რომელიც გაიხსნა ავტომატური ცეცხლსასროლი იარაღიდან. ეს მტკიცება, რა თქმა უნდა, მოკლებულია ყოველგვარ საფუძველს და არ შეესაბამება სინამდვილეს. სწორედ ამიტომ წარმოგიდგენთ ამ ნივთს იმის დასტურად, რომ ცეცხლსასროლი იარაღის სროლის კვალი ამ ნივთს არ აღენიშნება. ეს არის უპილოტო საფრენი აპარატი კვადროკოპტერი. ამ შემთხვევას ადგილი ჰქონდა ქარელის მუნიციპალიტეტში სოფელ აბანოს მიმდებარე ტერიტორიაზე. ჩვენ ამას წარვუდგენთ დღევანდელი შეხვედრის მონაწილეებს, რათა ბოლო მოეღოს უსაფუძვლო ბრალდების გაჟღერებას, თითქოს ეს კვადროკოპტერი ჩამოგდებულ იქნა ჩვენი საპოლიციო დანაყოფის მიერ, ცეცხლსასროლი იარაღიდან სროლის შედეგად“, - განაცხადა სახელმწიფო უსაფრთხოების სამსახურის საინფორმაცი-ანალიტიკური დეპარტამენტის დირექტორის მოადგილემ ირაკლი ანთაძემ.

დღეს ერგნეთში ინციდენტების პრევენციისა და მათზე რეაგირების მექანიზმის ფარგლებში შეხვედრა იმართება. აღნიშნული შეხვედრა ტექნიკური ხასიათის იქნება.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს