სერგი კაპანაძე - გახარია, ნაცვლად იმისა, რომ სახლში გაეშვათ, დააწინაურეს - არ ვაპირებთ შევეგუოთ ამ უსამართლობას და ძალადობას

„ევროპული საქართველო“ პარლამენტის სასესიო დარბაზში დაბრუნებას დღეს აღარ აპირებს, სამომავლო გეგმებზე კი, გუნდის შიგნით იქნება მსჯელობა, - ამის შესახებ „ევროპული საქართველოს“ წევრმა სერგი კაპანაძემ მას შემდეგ განაცხადა, რაც სასესიო დარბაზი პროტესტის ნიშნად დატოვა.

დეპუტატის თქმით, საზოგადოება არ შეეგუება გახარიას გაპრემიერებას და შესაბამისი ნაბიჯები დაიგეგმება.

„ივანიშვილმა, რომელიც სრულიად არის მოწყვეტილი რეალობას, დღეს დანიშნა პრემიერად გახარია. ადამიანი, რომელიც პირდაპირ არის დაკავშირებული ახალგაზრდების თვალების დათხრასთან. გახარია, რომელიც ნაცვლად იმისა, რომ სახლში გაეშვათ, დააწინაურეს. ბუნებრივია, ამას მოჰყვება პროტესტი როგორც ქუჩაში, ასევე პარლამენტის შიგნით პოლიტიკური ძალების მხრიდან. ერთ-ერთი გზა გამოვიყენეთ დღეს და ვაჩვენეთ, როგორც უმრავლესობას, ასევე საზოგადოებას, რომ არ ვაპირებთ შევეგუოთ ამ ძალიან დიდ უსამართლობას და ძალადობას ქართველ ხალხზე. დღეს პარლამენტში აღარ შევალთ და რაც შეეხება მომდევნო ნაბიჯებს, გვექნება თათბირი და გადავწყვეტთ“,- განაცხადა კაპანაძემ.

ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
ქართული პრესის მიმოხილვა 11.08.2022
გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია
საქართველოს უძრავი ქონების პირველად ბაზარზე ფასების ცვლილების დინამიკა 2022 წლის ზაფხული (R)
სს ლიბერთი ბანკის საცალო საბანკო საქმის მიმართულების დირექტორად თორნიკე კორძაია დაინიშნა
USAID-ის პროგრამის ,,დამსაქმებლები პროფესიული განათლებისთვის’’ და  ,,ტრანსფორდის“ ერთობლივი ინიციატივით 43 ადამიანი დასაქმდა