ანსამბლ „ივერიის“ ლეგენდარული მიუზიკლი „ჩხიკვთა ქორწილი“ შეკვეთილში მდებარე „ბლექ სი არენაზე“ უკვე მეორე წელია, წარმატებით იდგმება. ორგანიზატორების ინფორმაციით, წლევანდელ სეზონზე, ისევე როგორც 2018 წელს, „ჩექ ინ ჯორჯიას“ ფარგლებში გამართულ განახლებულ „ჩხიკვთა ქორწილს“ ათასობით ადამიანი დაესწრო. „ივერიის“ ძველი თუ ახალი თაობის შემადგენლობის მოსასმენად მაყურებელი „ბლექ სი არენაზე“ 1-ელ სექტემბერს შეიკრიბა.
მიუზიკლის მონაწილეთა შორის იყვნენ: თემურ წიკლაური, ნუგზარ კვაშალი, ნუცა ბუზალაძე, ანდრია გველესიანი, ბორის ბედია, ხვიჩა მაღლაკელიძე, ვახტანგ ტატიშვილი, გურამ ჯაში, მანანა თოდაძე, ქეთი წიკლაური, თამუნა ტაბატაძე, მერაბ სამყურაშვილი, დიტო საკანდელიძე, ჯანო იზორია, გია დავითიანი, გუჯა მარდალეიშვილი, ავთანდილ თაბუკაშვილი, გოგა ოსეფაშვილი, ლუიზა კობალაძე, ლილი ზღვაური, ჯემალ ბაღაშვილი,ზურა ლალიაშვილი, ვიქტორ ლალიაშვილი, დათო აბულაძე, გია ბაღაშვილი, ფრიდონ სულაბერიძე (უმცროსი), ლაშა მძინარაშვილი, მირიან ბერელიძე, ირაკლი ნადირაშვილი, მაიკო ვაწაძე, შორენა ჯაფარიძე, ცისია კალანდაძე, ეკა მოდებაძე, ილია საბაძე თენგო გუმბერიძე, დათო მჭედლიშვილი, ალექსანდრე ჯაფარიძე.
„ამხელა არენაზე მიუზიკლის განხორციელება არ არის ადვილი საქმე და აქამდე „ბლექ სი არენაზე“ მიუზიკლი არც დადგმულა. კიდევ ერთხელ ამდენი ადამიანი შეკრიბა არენაზე ალექსანდრე ბასილაიას გენიალურმა მუსიკამ და იმ სიყვარულმა, რომელიც „ჩხიკვთა ქორწილს“ 40 წელია, მოჰყვება. მაყურებლისგან საოცარი სიყვარული ვიგრძენით.უღრმესი მადლობა ჩვენს გუნდს და იმ მრავალათასიან პუბლიკას, რომელიც ღონისძიებას დაესწრო.“ - განაცხადა მომღერალმა გია ბაღაშვილმა.
„აღსანიშნავია, რომ „ჩხიკვთა ქორწილის“ დასრულების შემდეგ, გია ბაღაშვილმა მაყურებელს სიურპრიზი შესთავაზა. მან სიტყვა გადასცა დარბაზში მდჯომ ნიკა მნათობიშვილს, რომელმაც ანსამბლ „რუსთავის“ მოცეკვავეს და მიუზიკლის მონაწილეს შორენა ჯაფარიძეს დარბაზიდანვე სთხოვა ხელი“, - ნათქვამია ინფორმაციაში.