სოფიო ქაცარავა გვატემალას საგარეო საქმეთა მინისტრს შეხვდა

საგარეო ურთიერთობათა კომიტეტის თავმჯდომარემ, სოფიო ქაცარავამ შეხვედრა გამართა გვატემალას საგარეო საქმეთა მინისტრთან, სანდრა ხოველ პოლანკოსთან, რომელიც საქართველოს პირველი ოფიციალური ვიზიტით სტუმრობს. როგორც „ინტერპრესნიუსს“ საქართველოს პარლამენტიდან აცნობეს შეხვედრაზე მხარეებმა საქართველო-გვატემალას შორის არსებული ორმხრივი ურთიერთობების დღის წესრიგში შემავალი ყველა ძირითადი საკითხი განიხილეს.

მათივე ინფორმაციით სოფიო ქაცარავამ ყურადღება გაამახვილა საქართველოს ოკუპირებულ ტერიტორიებზე, ადამიანის უფლებათა და ჰუმანიტარული კუთხით არსებულ მძიმე ვითარებაზე, განსაკუთრებით კი, ბოლო პერიოდში მიმდინარე მოვლენებზე.

შეხვედრისას ხაზი გაესვა გვატემალას რესპუბლიკის მხარდაჭერას იძულებით გადაადგილებულ პირთა შესახებ გაეროს რეზოლუციაზე, რომლის წარდგენაც გაეროს გენერალურ ასამბლეაზე ყოველწიურად ხდება. როგორც აღინიშნა, გვატემალა რეზოლუციის მხარდაჭერას მომავალშიც გააგრძელებს.

სანდრა ხოველ პოლანკომ სოფიო ქაცარავას კიდევ ერთხელ დაუდასტურა საქართველოს სუვერენიტეტისა და ტერიტორიული მთლიანობის მტკიცე მხარდაჭერა.

„საქართველოში პირველი ოფიციალური ვიზიტით იმყოფება გვატემალას საგარეო საქმეთა მინისტრი. შეხვედრაზე განვიხილეთ ჩვენ ქვეყნებს შორის არსებული ურთიერთობები და მათი კიდევ უფრო გაღრმავების პერსპექტივები. საქართველოს და გვატემალას გააჩნია ურთიერთობების გაღრმავების დიდი შესაძლებლობა“,- განაცხადა სოფიო ქაცარავამ.

შეხვედრის დასასრულს სანდრა ხოველ პოლანკომ საგარეო ურთიერთობათა კომიტეტის თავმჯდომარე გვატემალაში მიიწვია.

რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
ქართული პრესის მიმოხილვა 19.10.2020
ეუთოს სადამკვირვებლო მისიის ხელმძღვანელი ჯილიან სტირკი - ყველას შევახსენებდი, რომ საქმე პოლიტიკური პროცესის მთლიანობას ეხება, სწორედ ეს დევს სასწორზე
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)