ვწუხვარ, რომ ოპოზიცია არ ესწრება ამ განხილვებს, მაშინ როცა რეალურად არსებობს შესაძლებლობა ძალიან ღიად ყველა კითხვას ვუპასუხოთ,- ამის შესახებ ევროპასთან ინტეგრაციის კომიტეტის თავმჯდომარემ თამარ ხულორდავამ, ოპოზიციის პროტესტის შესახებ განაცხადა. ოპოზიციონერი დეპუტატები მინისტრობის კანდიდატების წარდგენას არ ესწრებიან.

„ის განხილვა, რომელიც ახლა მიმდინარეობს, ძალიან მნიშვნელოვანია. შესაძლებლობა იქნება ყველა არსებულ კითხვაზე დეტალურად ვისაუბროთ. ვწუხვარ, რომ ოპოზიცია არ ესწრება ამ განხილვებს, რადგან ხშირად გვესმის სხვადასხვა სახის დაუსაბუთებელი პრეტენზიები სხვადასხვა საკითხებზე, მათ შორის, საგარეო კურსის სიმყარეზე თუ ოკუპაციაზე. მაშინ როცა რეალურად არსებობს შესაძლებლობა ძალიან ღიად ყველა კითხვას ვუპასუხოთ, ჩვენ ვხედავთ იმას რაც ხდება დარბაზში",- განაცხადა ხულორდავამ.

შეგახსენებთ, რომ პარლამენტში 3 კომიტეტის გაერთიანებული სხდომა მიმდინარეობს, სადაც საგარეო საქმეთა მინისტრობის კანდიდატს დავით ზალკალიანს უსმენენ.