ბათუმში შავი ზღვის ხელოვნების ფესტივალი გრძელდება. ორგანიზატორების ინფორმაციით, მესამე საფესტივალო დღეს დავით ალადაშვილის კონცერტი გაიმართა. ახლაგაზრდა პიანისტი მსმენელის წინაშე ბეთჰოვენის მე-5 საფორტეპიანო კონცერტით წარდგა.

ბათუმის ფესტივალის ორკესტრს ცნობილმა იტალიელმა დირიჟორმა, სან-რემოს ორკესტრის სამხატვრო ხელმძღვანელმა ჯანკარლო დე ლორენცომ უხელმძღვანელა.

კონცერტზე ასევე შესრულდა ბეთჰოვენის - „ეგმონტი“ უვერტიურა და მოცარტის კონცერტი კლარნეტისათვის, რომელიც ფესტივალზე ჩამოსულმა კიდევ ერთმა იტალიელმა ვარსკვლავმა, კლარნეტისტმა კლაუდიო მანსუტიმ შეასრულა.

ბათუმის შავი ზღვის ხელოვნების ფესტივალი მომდევნო დღეებში, კიდევ არაერთ ცნობილ მუსიკოსს უმასპინძლებს.

ფესტივალი 10 სექტემბერს დასრულდება.