პარლამენტის დამოუკიდებელი დეპუტატი დავით ჭიჭინაძე აცხადებს, რომ შს მინისტრობის დროს გიორგი გახარიამ თავი დაგვამახსოვრა როგორც უიღბლო მინისტრმა და საკმაოდ ბევრი პრობლემა შეუქმნა ქვეყანას.

„როდესაც ბახტაძის წარდგენა ხდებოდა, ასე გვითხრეს, ეს ყველაზე ჭკვიანია თქვენს შორისო. ახლა კი, როგორც ჩანს, ან გახარიამ გადაასწრო ჭკუით, ან სხვები ჩამორჩნენ ჭკუით და გახარია გახდა ლიდერი. რეალობა კი ასეთია: ეკონომიკის მინისტრობის დროს, გახრია არ გამოირჩეოდა ინიციატივებით. მის პერიოდში არც ეკონომიკური ცვლილება არ მომხარა, არც არანაირი კანონის ინიცირება. შს მინისტრობის დროს კი, თავი დაგვამახსოვრა როგორც უიღბლო მინისტრმა და საკმაოდ ბევრი პრობლემა შეუქმნა ქვეყანას“< - განაცხადა ჭიჭინაძემ.

მისივე შფასებით, გახარაია არაპოპულარულია დასავლეთში და უფრო ასოცირდება ჩრდილოეთთან.

„ეს კი, უკვე ჩვენი საზოგადოების და დასავლეთის გამოწვევაა. ხოლო რამდენად გაუძლებს ამდენ გამოწვევას „ ქართული ოცნება“, ამას დრო გვაჩვენებს.

მთავრობასაც ეტყობა, რომ საარჩევნო მთავრობაა - ძალოვანი მინისტრების დომინაციით. ასე, რომ მე მათ მხარს ვერ დავუჭერ, რადგან არამგონია ამ ყველაფერმა რაიმე სიკეთე მოუტანოს ქვეყანას.

უფრო მეტიც, პირადად მაქვს კითხვები გახარიასთან, წულუკიანთან, იმიტომ რომ ბიუჯეტიდან გადახდილ თანხებთან დაკავშირებით ძალიან ბევრი ხელშეკრულებაა საიდუმლოებით მოცული და მაინტერესებს აპირებენ თუ არა ამის გასაჯაროებას“, - განაცხადა დავით ჭიჭინაძემ.