გიორგი ვაშაძე - ამერიკის მხრიდან იქნება ძალიან მკვეთრი განცხადებები საქართველოში არსებულ მდგომარეობაზე

ძალიან მკვეთრი და კრიტიკული ნაბიჯები მზადდება ამერიკის მხრიდან საქართველოს ხელისუფლების მისამართით. ელჩის დანიშვნაც სწორედ ამ საკითხს უკავშირდება, - ამის შესახებ გაერთიანებული ოპოზიციის ერთ-ერთმა ლიდერმა, გიორგი ვაშაძემ განაცხადა.

როგორც ვაშაძემ აღნიშნა, ამერიკის ჩართულობა „ჩვენი ქვეყნის წინასაარჩევნო პროცესში ძალიან აქტიური იქნება, რათა საქართველომ დემოკრატიული განვითარების გზა შეინარჩუნოს“.

„ძალიან მნიშვნელოვანია, რომ საქართველოში აშშ-ს ელჩი იყოს წარმოდგენილი. ჩემი ინფორმაციით, შტატებში ზუსტად აქვთ გაცნობიერებული ის პრობლემები, რაც აქტიური საელჩოს არ ყოფნამ გამოიწვია საქართველოში. ფაქტია, გვაქვს დაღმასვლა ეკონომიკური და დემოკრატიული განვითარების კუთხით. რამდენიმე დღის წინაც აღვნიშნე და კიდევ ერთხელ ვიტყვი - ძალიან მკვეთრი და კრიტიკული ნაბიჯები მზადდება ამერიკის მხრიდან საქართველოს ხელისუფლების მისამართით. ელჩის დანიშვნაც სწორედ ამ საკითხს უკავშირდება. ამერიკა აპირებს აქტიურად ჩაერთოს პროცესებში, რეგიონში და მათ შორის საქართველოში.

განსაკუთრებით შემაშფოთებელია, რა თქმა უნდა, დემოკრატიული განვითარების პროცესებთან დაკავშირებული პრობლემები და ამერიკისთვის მსგავსი არაფორმალური მმართველობა აბსოლუტურად მიუღებელია. ისინიც, ჩვენს მსგავსად, საქართველოს პარტნიორ ქვეყნად მოიაზრებენ. სწორედ ამ ახალ პოლიტიკას, სტრატეგიას და მკვეთრ პოზიციონირებას უკავშირდება საქართველოში ელჩის დანიშვნაც. ამერიკის მხრიდან იქნება ძალიან მკვეთრი განცხადებები საქართველოში არსებულ მდგომარეობაზე. მათი ჩართულობა ჩვენი ქვეყნის წინასაარჩევნო პროცესში იქნება ძალიან აქტიური, რათა საქართველომ შეინარჩუნოს დემოკრატიული განვითარების გზა. იმ უკანონობებს, რომელიც „ქართულმა ოცნებამ“ საპრეზიდენტო არჩევნებისას ჩაიდინა, აღარავინ აღარ აპატიებს“, - განაცხადა ვაშაძემ.

აღნიშნულ ინფორმაციას „ახალი საქართველო“ ავრცელებს.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 21.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)