"ევროპული საქართველოს" წევრები კომიტეტების გაერთიანებულ სხდომას, სადაც მინისტრობის კანდიდატებს უნდა მოუსმინონ, არ დაესწრებიან

"ევროპული საქართველოს" წევრები პარლამენტის ოთხი კომიტეტის გაერთიანებულ სხდომაზე, სადაც მინისტრობის კანდიდატებს უნდა მოუსმინონ, დასწრებას არც დღეს აპირებენ.

როგორც "ევროპული საქართველოს" წევრმა ირაკლი აბესაძემ განაცხადა, მათ მინისტრობის კანდიდატებთან არანაირი შეკითხვები არ აქვთ, რადგან სწორედ "ქართულ ოცნების" ხელისუფლებას უკავშირდება ქვეყანაში არსებული კრიზისები.

"გიორგი გახარიას წარდგენა პრემიერ-მინისტრობის კანდიდატად არის საზოგადოებაზე ძალადობა და ხელის გადაგრეხვის მცდელობა. ამ სიტუაციაში ნორმალური პოლიტიკური დიალოგი ვერ იქნება, მითუმეტეს, არანაირი შეკითხვები არ შეიძლება არსებობდეს ცალკეულ მინისტრებთან, სადაც ფორმალურადაც კი არ განხორციელებულა არც ერთი ცვლილება. ესენი არიან ადამიანები, რომლებიც პასუხისმგებლები არიან სასამართლო სისტემის უმძიმეს კრიზისში შეყვანაში, სამართალდამცავი სისტემის პოლიტიკურ იარაღად ქცევაში და ყველა იმ სერიოზულ მავნებლურ ნაბიჯში, რომელსაც "ქართული ოცნება" სამართალდამცავი სისტემის მიმართულეით დგამდა",-აცხადებს აბესაძე.

პარლამენტის ადამიანის უფლებათა დაცვისა და სამოქალაქო ინტეგრაციის, იურიდიულ საკითხთა, თავდაცვისა და უშიშროებისა და საპროცედურო საკითხთა და წესების კომიტეტების გაერთიანებულ სხდომაზე შს მინისტრობის კანდიდატს ვახტანგ გომელაურს, იუსტიციის მინისტრობის კანდიდატს თეა წულუკიანს, თავდაცვის მინისტრობის კანდიდატს ირაკლი ღარიბაშვილსა და შერიგებისა და სამოქალაქო თანასწორობის საკითხებში სახელმწიფო მინისტრობის კანდიდატს ქეთევან ციხელაშვილს მოუსმენენ.

ასევე, დღესვე მოუსმენენ ეკონომიკისა და მდგრადი განვითარების მინისტრობის კანდიდატს ნათია თურნავას, ფინანსთა მინისტრობის კანდიდატს ივანე მაჭავარიანს. გარემოს დაცვისა და სოფლის მეურნეობის მინისტრობის კანდიდატს ლევან დავითაშვილსა და რეგიონული განვითარებისა და ინფრასტრუქტურის მინისტრობის კანდიდატს მაია ცქიტიშვილს.

იხილეთ ვიდეო

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
ინოვაციური მომსახურება სამშენებლო სფეროში
მერაბ ჭიქაშვილი - "ხელისუფლებამ უნდა გაიგოს, რომ "ნაციონალური მოძრაობის" რეანიმაცია და გადარჩენა არ მოხდება!" (R)
თომა ხაბეიშვილი - "პატრიოტთა ალიანსი" პირველი პარტიაა, რომელიც  გამარჯვებისკენ სწორი ხედვებით მიისწრაფვის!" (R)
არჩილ ბენიძე - "ამომრჩეველზე სხვადასხვა სახის ფსიქოლოგიური ზეწოლა მიმდინარეობს!" (R)
ლიბერთი #გულით და Lingwing-ის ერთობლივი პროექტი
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის