რუსეთის ფედერაციის საბჭოს საერთაშორისო კომიტეტის თავმჯდომარის მოადგილე ფარიტ მუხამეტშინი და ამავე კომიტეტის წევრი ალექსეი კონდრატიევი აფხაზეთში „საპრეზიდენტო არჩევნების“ მეორე ტურზე დამკვირვებლები იქნებიან. ამის შესახებ სააგენტო „რია ნოვოსტის“ ალექსეი კონდრატიევმა განუცხადა.
აფხაზეთში „საპრეზიდენტო არჩევნების“ მეორე ტური 8 სექტემბერს ტარდება. პირველ ტურში დე ფაქტო „პრეზიდენტმა“ რაულ ხაჯიმბამ 24,84 პროცენტი მიიღო, ალხას კვიწინიამ - 22,91%.