ბრიტანეთის პრემიერ-მინისტრის ძმამ უმცროსი მინისტრის თანამდებობა დატოვა და განაცხადა, რომ ის პარლამენტის წევრობაზეც უარის თქმას აპირებს, - ამის შესახებ ინფორმაციას სააგენტო „როიტერსი“ ავრცელებს.
მათივე ინფორმაციით, ჯო ჯონსონმა სოციალურ ქსელ „ტვიტერში“ დაწერა, რომ მან აღნიშნული გადაწყვეტილება ბოლო რამდენიმე კვირის განმავლობაში „ოჯახის მიმართ ერთგულებასა და ეროვნულ ინტერესებს შორის არსებული კონფლიქტის გამო მიიღო.
„ჩემთვის დიდი პატივი წარმომედგინა ორპინგტონი 9 წლის მანძილზე და ვყოფილიყავი მინისტრი სამი პრემიერ-მინისტრის მმართველობის პერიოდში. ბოლო კვირების განმავლობაში ოჯახის ერთგულებასა და ეროვნულ ინტერესებს შორის ვიჭყლიტებოდი“, - წერს 47 წლის ჯო ჯონსონი.
მის განცხადებას გადგომის თაობაზე წინ უსწრებდა პრემიერ-მინისტრ ბორის ჯონსონის მიერ კონსერვატიული პარტიიდან 21 პარლამენტის წევრის გარიცხვა იმის გამო, რომ მათ ბორის ჯონსონის ბრექსითის სტრატეგიას მხარი არ დაუჭირეს.
აღსანიშნავია, რომ ბიზნესისა და განათლების დეპარტმანეტის უმცროსი მინისტრის თანამდებობაზე ჯო ჯონსონი მისი ძმის პრემიერ-მინისტრობის დროს დაინიშნა.
იხილეთ ვიდეო: ბრიტანეთის პრემიერ-მინისტრის ძმამ მინისტრის თანამდებობა დატოვა