საქართველოს თავდაცვის ძალებს 300 სამხედრო მოსამსახურე შეემატა

საქართველოს თავდაცვის ძალებს 300 სამხედრო მოსამსახურე შეემატა. ფიცის დადების ცერმონიალი წვრთნებისა და სამხედრო განათლების მხარდამჭერ ცენტრ „კრწანისში“ გაიმართა. ამის შესახებ „ინტერპრესნიუსს“ თავდაცვის სამინისტროდან აცნობეს.

როგორც სამინისტროს ინფორმაციაშია აღნიშნული, ფიცის დადების შემდეგ, თავდაცვის ძალების წარმომადგენლებმა წარმატებულ სამხედროებს სიგელები, ხოლო ყველა კურსდამთავრებულს სერთიფიკატები გადასცეს. ფიცის დადების ცერემონიალს რეკრუტების ოჯახის წევრები დაესწრნენ.

რეკრუტებმა საწყისი საბრძოლო მომზადება უფროსი სერჟანტი ზაზა ფერაძის სახელობის საწყისი საბრძოლო მომზადების (BCT) ცენტრში გაიარეს. 10 კვირის განმავლობაში მათ ტაქტიკური, კავშირგაბმულობის, სამედიცინო, საცეცხლე და სამწყობრო მომზადებასთან დაკავშირებული უნარები განავითარეს და სადისციპლინო და საყარაულო წესდებები შეისწავლეს.

დღეიდან ისინი საქართველოს თავდაცვის ძალების სხვადასხვა ქვედანაყოფებში გადანაწილდებიან.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს