მაია ცქიტიშვილი -  გიორგი გახარიას გადადგომას საზოგადოება არა, საზოგადოების გარკვეული და მცირე ჯგუფი ითხოვს, რომელიც პოლიტიკურად ანგაჟირებულია.

გიორგი გახარიას გადადგომას საზოგადოება არა, საზოგადოების გარკვეული და მცირე ჯგუფი ითხოვს, რომელიც პოლიტიკურად ანგაჟირებულია, - ამის შესახებ რეგიონული განვითარებისა და ინფრასტრუქტურის მინისტრობის კანდიდატმა მაია ცქიტიშვილმა განაცხადა.

მან უპასუხა ჟურნალისტის კითხვას იმის შესახებ, თუ რატომ წარადგინა „ქართულმა ოცნებამ“ პრემიერ-მინისტრობის კანდიდატად გიორგი გახარია, როდესაც „საზოგადოება მის გადადგომას ითხოვს“.

„კითხვის ფორმულირებას არ ვეთანხმები, რომ საზოგადოება ითხოვს გახარიას გადადგომას. საზოგადოება არ ითხოვს, საზოგადოების გარკვეული და ნამდვილად მცირე ჯგუფი ითხოვს, რომელიც პოლიტიკურად ანგაჟირებულია. ესაა მხოლოდ ხალხი, რომელიცაა „ნაციონალური მოძრაობის“, მისი ფილიალების და მათი დანაყოფების ნების და აზრის გამომხატველი, მხოლოდ ისინი ითხოვენ ადამიანების გადადგომას. როდესაც „ფეისბუქზე“ მეკითხებით და რიგითი ადამიანების პოზიციებზე მეკითხებით, ძალიან ბევრი ადამიანის ძალიან ბევრი დადებითი შეფასება მაქვს ნანახი და საზოგადოების უდიდესი ნაწილი ასე ფიქრობს“, - განაცხადა ცქიტიშვილმა.

მანვე ისაუბრა საკუთარი კანდიდატურის შესახებ პრემიერ-მინისტრობის კანდიდატობაზე და აღნიშნა, რომ მისი კანდიდატურა არ განიხილებოდა.

„რაც შეეხება ჩემს შესაძლო ნომინირებას, ეს იყო ჭორები, რომელიც ისევ მედიის სხვადასხვა საშუალებით ვრცელდებოდა. ეს არის ერთ-ერთი მაგალითი, რომ ხანდახან და ხშირ შემთხვევაში მედია ყოველთივს არ ეყრდნობა სწორ და გადამოწმებულ ინფორმაციას. ამ შემთხვევაში ეს ჭორი არ შეესაბამებოდა რეალობას, არ აქვს მნიშვნელობა, ჩემი კანდიდატურა განხილვაში არსებობდა თუ არა, უმრავლესობამ მიიღო აღნიშნული გადაწყვეტილება. ჩემი კანდიდატურა კი განხილვაში არ ყოფილა“, - აღნიშნა ცქიტიშვილმა.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
ჟურნალისტური ეთიკის ქარტიის გადაწყვეტილებით დადგინდა, რომ "მთავარი არხისა" და "TV 1"-ს ჟურნალისტებმა არქის შვილობილ კომპანიასთან მიმართებაში ცრუ ინფორმაცია გაავრცელეს
Colliers International Georgia-მ მტკვრის მარცხენა სანაპიროს უძრავი ქონების ფუნქციური ანალიზი განახორციელა
ნანა დევდარიანი - გაუპატიურების, ძალადობის, ცემის, წამების ამსახველი კადრები არავის დავიწყებია (R)
არჩილ ბენიძე - მწამებლებისა და მკვლელების დასჯა ერთადერთ პარტიას - "პატრიოტთა ალიანსს" შეუძლია (R)
„სილქფესტი“ მომხმარებლებს სასაუბრო და ინტერნეტ პაკეტებზე ულიმიტო პირობებს შესთავაზებს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)