ბათუმის დრამატული თეატრის სცენა ფრანგ პიანისტს ლიდი სოლომონს დაეთმო

ბათუმის შავი ზღვის ხელოვნების ფესტივალის მე-6 დღეს ბათუმის დრამატული თეატრის სცენა ახლგაზრდა ფრანგ პიანისტს, ლიდი სოლომონს, დაეთმო.

როგორც „ინტერპრესნიუსს“ ორგანიზატორებმა აცნობეს, ლიდი სოლომონი ბათუმში ფესტივალის პარტნიორის, საქართველოს ფრანგული ინსტიტუტის ხელშეწყობით იმყოფება. ღონისძიების დაწყებამდე დამსწრე საზოგადოებას სიტყვით ფრანგული ინსტიტუტის წარმომადგენელმა სალომე მურვანიძემ მიმართა.

„შემსრულებელმა სოლო კონცერტზე ლუდვიგ ვან ბეთხოვენის, მიშელ სონისა და მორის რაველის ნაწარმოებები შეასრულა. კონცერტს ფესტივალზე სტუმრად მყოფი, ცნობილი ფრანგი მუსიკოსი და მუსიკის ინოვაციური სწავლების მეთოდის ავტორი მიშელ სონი დაესწრო.

ფესტივალის მეშვიდე დღე ხელოვნებას დაეთმობა. ბათუმის ხელოვნების მუზეუმში საფრანგეთში მოღვაწე, წარმოშობით ქართველი მხატვრის ანრი მაჭავარიანის ნამუშევრები გამოიფინება.

გამოფენა 17:00 საათზე გაიხსნება, 20:00 საათზე კი ბათუმის დრამატულ თეატრში გურამ ოდიშარიას პოეზიის საღამო და წიგნის პრეზენტაცია მოეწყობა“, - ნათქვამია ინფორმაციაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს