ბათუმში, პარტია „ნაციონალური მოძრაობის“ წევრები პრემიერი-მინისტრის თანამდებობაზე გიორგი გახარიას კანდიდატურასა და პარლამენტში მიმდინარე მოვლენებს აპროტესტებებენ. აქცია გმირთა ხეივანში, 9 აპრილის მემორიალთან მიმდინარეობს ლოზუნგებით - „აქედანაც სირცხვილია," „გახარიას უხარია, როდესაც ბავშვებს თვალებს თხრიან!"
„ვაპროტესტებთ გახარიას გაპრემიერებას. ერთმა როდონიოვმა საქართველოში მოგვიწყო 9 აპრილი, ხოლო 30 წლის შემდეგ გახარიამ რუსეთის დავალებით მოგვიწყო 20 ივნისი და თავისუფლებისთვის მებრძოლ ახალგაზრდებს დათხარეს თვალები. ამ ადამიანს დღეს აპრემიერებენ, რასაც ჩვენ არ შევეგუებით, არ დავუშვებთ იმას, რომ საქართველოში ისევ არსებობდნენ გავრილოვები. 9 აპრილს დაწყებულ ბრძოლას მივყვანთ ბოლომდე“, - განაცხადა „ნაციონალური მოძრაობის" ერთ-ერთმა აქტივისტმა, ხათუნა ბერიძემ.