ევროკავშირის საგარეო საქმეთა სამსახურის გენერალური მდივნის მოადგილე, ევროკავშირის სახელით, ოკუპირებულ აფხაზეთში ჩატარებულ „არჩევნებთან“ დაკავშირებით განცხადებას ავრცელებს

ევროკავშირის სახელით, ევროკავშირის საგარეო საქმეთა სამსახურის გენერალური მდივნის მოადგილე ჟან-კრისტოფ ბელიარი ოკუპირებულ აფხაზეთში ჩატარებულ ე.წ. საპრეზიდენტო არჩევნებთან დაკავშირებით განცხადებას ავრცელებს.

„ევროკავშირი მხარს უჭერს საქართველოს ტერიტორიულ მთლიანობასა და სუვერენიტეტს, როგორც ეს აღიარებულია საერთაშორისო სამართლით. საქართველოს სეპარატისტულ რეგიონში, აფხაზეთში „არჩევნებთან“ დაკავშირებით ნება მომეცით შეგახსენოთ, რომ ევროკავშირი არ აღიარებს იმ კონსტიტუციურ და სამართლებრივ ჩარჩოებს, რომლებშიც იმართება ეს არჩევნები.

ევროკავშირი განაგრძობს აქტიურად მონაწილეობას და ჩართულობას საქართველოში კონფლიქტის გადაწყვეტის ძალისხმევაში, მათ შორის განაგრძობს მონაწილეობას ჟენევის საერთაშორისო დისკუსიებში როგორც თანათავმჯდომარე, ევროკავშირის სპეციალური წარმომადგენლის ძალისხმევით და ადგილზე ევროკაშირის მონიტორინგის მისიის მუდმივი ყოფნით“ - აღნიშნულია განცხადებაში.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს