ოკუპირებული აფხაზეთის ე.წ. საპრეზიდენტო არჩევნებში მეორე ადგილზე გასული ალხაზ კვიწინია რაულ ხაჯიმბას გამარჯვებულად არ ცნობს და სასამართლოში გასაჩივრებას გეგმავს

სოხუმის ცენტრში, ე.წ. საარჩევნო კომისიის შენობის წინ, „საპრეზიდენტო არჩევნების“ წინასწარი შედეგების გამოქვეყნების შემდეგ აფხაზეთის მილიციამ გაძლიერებული დაცვა ისევ დააყენა. შენობის წინ მოძრაობა გადაკეტეს. ადგილზე მილიციისა და სპეცრაზმის რამდენიმე ათეულ თანამშრომელია მობილიზებული.

ე.წ. საარჩევნო კომისიის მიერ გამოცხადებული შედეგების მიხედვით, მოქმედმა „პრეზიდენტმა“ არჩევნებში მონაწილეთა ხმების 47,38% მიიღო, მისმა ოპონენტმა - 46,19%. „ყველას წინააღმდეგ“ 3154 ხმა (თითქმის 4%) იქნა მიცემული. ე.წ. არჩევნებში მონაწილეობა ხმის უფლების მქონე ამომრჩევლების 65,98% (83 883 ადამიანმა) მიიღო.

ოკუპირებული აფხაზეთის „საპრეზიდენტო არჩევნებში“ მეორე ადგილზე გასული კანდიდატი ალხაზ კვიწინია რაულ ხაჯიმბას გამარჯვებულად არ ცნობს და შედეგების სასამართლოში გასაჩივრებას აპირებს. ის აცხადებს რომ მან, „ყველას წინააღმდეგ“ მიცემულ ხმებთან ერთად ხაჯიმბაზე მეტი მიიღო. ამჟამად კვიწინიას მომხრეები მის შტაბთან არიან შეკრებილები.

ამ ინფორმაციას „რია ნოვოსტი“ ავრცელებს.

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 21.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
რესქულში უძრავი ქონების შეფასების კურსი 25 ნოემბერს დაიწყება
კომპანია „ფრეგო“-ს მთავარი ინვესტორის ღია წერილი
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)