რუსეთის სახელმწიფო დუმის ვიცე-სპიკერის ივან მელნიკოვის განცხადებით, ე.წ. სამხრეთ ოსეთის დე ფაქტო პარლამენტის მიმართვისგამო, დუმაში შეიქმნა სამუშაო ჯგუფი, რომელიც „1920 წელს ოსების წინააღმდეგ საქართველოს მიერ გენოციდის საკითხს შეისწავლის, - ამის შესახებ „სპუტნიკი“ იუწყება.
„ისინი გვთხოვენ ვაღიაროთ ქართველების მხრიდან ოსების გენოციდი. ამის შესახებ მოთხოვნა სახელმწიფო დუმაში შემოვიდა, შექმნილია ჯგუფი, რომელიც ამ მიმართვას შეისწავლის“ ,- განაცხადა მელნიკოვმა.
მისივე ინფორმაციით, ჯგუფში შესულია დუმის ყველა ფრაქციის წარმომადგენელი, ხოლო ჯგუფს დეპუტატი ვიკტორ ვოდოლაცკი ხელმძღვანელობს. მანვე განაცხადა, რომ სამუშაო ჯგუფის მუშაობის ხანგრძლივობა განუსაზღვრელია.