გია ვოლსკი შოთა შალელაშვილზე - წარმატებული ბიზნესმენი არის, რომელსაც უნდა მეტი დრო დაუთმოს საკუთარ საქმიანობას

„ქართული ოცნების" ლიდერმა გია ვოლსკიმ შოთა შალელაშვილის პარლამენტიდან წასვლა შეაფასა. მისი თქმით, შალელაშვილმა გადაწყვიტა დრო საკუთარ ბიზნეს დაუთმოს.

ვოლსკის თქმით, შალელაშვილის გადაწყვეტილება სხვა რაიმე მიზეზით არ არის განპირობებული.

„ადამიანია, თავის ცხოვრება აქვს და თვლის, რომ დააკლდა იმ ბიზნეს პროექტებს,რომლებიც მისი განმარტებით მრავლად აქვს და საკმაოდ წარმატებული ბიზნესმენიც არის, რომელსაც უნდა მეტი დრო დაუთმოს საკუთარ საქმიანობას", -განაცხადა ვოლსკიმ.

საპარლამენტო უმრავლესობის წევრი შოთა შალელაშვილი დეპუტატის მანდატს ტოვებს.

შოთა შალელაშვილმა შესაბამისი განცხადებით პარლამენტის თავმჯდომარეს უკვე მიმართა.

თავის მხრივ, პარლამენტის თავმჯდომარის აპარატში "ინტერპრესნიუსს" განუცხადეს, რომ დეპუტატი შოთა შალელაშვილი პარლამენტის დატოვების მიზეზად ასახელებს იმას, რომ ბიზნესსაქმიანობას უბრუნდება.

ალექსანდრე თვალჭრელიძე - საქართველოსთვის ნატოსთან ინტეგრაციის ლოდინი იქამდე, ვიდრე საქართველო გამთლიანდება, ჩვენი სასიცოცხლო ინტერესების ღალატია
ქართული პრესის მიმოხილვა 17.09.2019
საქართველოს საგარეო პოლიტიკა - ნაბიჯები მომავლისკენ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან