რაულ ხაჯიმბა - ოპოზიციასთან ვითანამშრომლებ, არჩევნების შედეგების შესაძლო გაუქმებას კანონის ჩარჩოებში განვიხილავ

ოკუპირებული აფხაზეთის ე.წ. პრეზიდენტი რაულ ხაჯიმბა აცხადებს, რომ ოპოზიციასთან დიალოგისთვის მზად არის. ჟურნალისტებთან შეხვედრისას მან აგრთვე განაცხადა, რომ იმ სიტუაციასაც განიხილავს, თუ სასამართლო ოპოზიციის მხარეს დაიკავებს და არჩევნების შედეგებს გააუქმებს.

„ჩვენ ოპოზიციის წარმომადგენლებთან მუშაობის შესაძლებლობაზე უარი არ გვითქვამს. მე ვლაპარაკობდი და ვილაპარაკებ ყველასთან, ვინც მზად არის ჩვენთან ერთად ეს სახელმწიფო აშენოს“, - განაცხადა ხაჯიმბამ.

ამასთან, მან განაცხადა, რომ განიხილავს იმ სიტუაციასაც, თუკი აფხაზეთის უმაღლესი სასამართლო ოპოზიციის მხარეზე დადგება და არჩევნების შედეგებს გააუქმებს.

„ჯერ გახმაურება არ მინდა, მაგრამ კანონიერი საშუალებები არის და კანონის შესაბამისად ვიმოქმედებთ“, - დასძინა ოკუპირებული აფხაზეთის „პრეზიდენტმა“.

ორშაბათს გამოცხადდა შედეგები, რომლის თანახმადაც „საპრეზიდენტო არჩევნების“ მეორე ტურში რაულ ხაჯიმბამ საარჩევნო უბნებში მისული ამომრჩევლების ხმების 47,39% მიიღო, მისმა ოპონენტმა ალხას კვიწინიამ - 46,17%. ე.წ. საარჩევნო კომისიამ ხაჯიმბა ე.წ. არჩეულ პრეზიდენტად გამოაცხადა, თუმცა კვიწინია გადაწყვეტილებას სასამართლოში ასაჩივრებს.

ამ ინფორმაციას „რია ნოვოსტი“ ავრცელებს.

ლადო პაპავა - მოსახლეობა პოზიტიური დღის წესრიგის მოლოდინშია
ქართული პრესის მიმოხილვა 30.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ