სენატორების განცხადებით, თუ ტრამპი უკრაინისთვის დახმარების შეწყვეტის გადაწყვეტილებას მიიღებს, 250 მლნ დოლარის დახმარების აღდგენაზე კანონს მიიღებენ

აშშ-ის რესპუბლიკელი და დემოკრატი სენატორები აცხადებენ, რომ კონგრესი მიიღებს ახალ კანონს უკრაინისთვის 250 მილიონი დოლარის ოდენობის სამხედრო დახმარების აღდგენის შესახებ, თუ პრეზიდენტი დონალდ ტრამპი კიევისთვის ამ დრომდე არსებული დახმარების შეწყვეტის გადაწყვეტილებას მიიღებს.

„თუ იგი გადაწყვეტს, რომ არ დახარჯოს ეს თანხა, მე დარწმუნებული ვარ, რომ კონგრესი მას მხარს თავიდან დაუჭერს“, - განაცხადა რესპუბლიკელმა სენატორმა რონ ჯონსონმა დემოკრატ სენატორ კრის მერფისთან ერთად გამართულ პრესკონფერენციაზე, სადაც მათ ევროპაში ვიზიტი შეაჯამეს.

სენატორები უკრაინაში, კოსოვოსა და სერბეთში იმყოფებოდნენ, მათ რუსეთის ვიზაც მოითხოვეს, თუმცა, მოსკოვისგან უარი მიიღეს.

შეგახსენებთ, გასულ თვეს ტრამპის ადმინისტრაციამ განაცხადა, რომ თეთრი სახლი უკრაინისთვის სამხედრო ფინანსური დახმარების პროგრამის გადახედვას აპირებს. 250 მილიონი აშშ დოლარის ოდენობის დახმარებას კიევი ვაშინგტონისგან პრორუს სეპარატისტებთან ბრძოლისთვის იყენებს. როგორც სენატორმა ჯონსონმა განაცხადა, იგი ესაუბრა ტრამპს ამ საკითხზე და თეთრი სახლის ლიდერმა მას უთხრა, რომ ევროპული ქვეყნები და არა აშშ უნდა ეხმარებოდეს უკრაინას ფინანსურად, ვინაიდან უკრაინა მათი მეზობელია.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 28.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ