გურჯაანის მერიაში მევენახეებსა და ხელისუფლების წარმომადგენლებს შორის შეხვედრა დასრულდა.

მხარეებს შორის მოლაპარაკება, დაახლოებით, ერთ საათს გაგრძელდა, სადაც ფერმერებმა მთავრობის წევრებს მოთხოვნების შესახებ მიაწოდეს ინფორმაცია.

მევენახეებმა განმარტეს, რომ ღვინის ქარხნებს ამ დრომდე არ დაუწყიათ ყურძნის ჩაბარება, ხოლო ერთი კილოგრამი ყურძნის ფასი გაწეულ ხარჯებსაც ვერ ანაზღაურებს.

სოფლის მეურნეობის მინისტრის მოადგილემ, სოლომონ პავლიაშვილმა კი აღნიშნა, რომ ყურძნის ფასს ბაზარი არეგულირებს.

„რთველი 2019“-ის საკოორდინაციო შტაბის ხელმძღვანელისთვის, ლევან მეხუზლას თქმით, ამ დროისთვის 50-ზე მეტი კერძო და სახელმწიფო ღვინის კომპანია ყურძნის გადამუშავებას უკვე ახორციელებს.

შეგახსენებთ, გურჯაანის მუნიციპალიტეტის სამი სოფლის მოსახლეობამ ყურძენზე ფასის გაზრდის და ღვინის საწარმოების გახსნის მოთხოვნით აქცია გამართეს.