იაპონიის პრემიერ-მინისტრმა სინძო აბემ დღეს მთავრობა გადააყენა და კაბინეტში მასშტაბურ გადაადგილებებს ახორციელებს. გადადგომის განცხადება ყველა მინისტრმა დაწერა და მათი ნაწილი მთავრობაში ვეღარ მოხვდება. იგეგმება 13 მინისტრის შეცვლა. რამდენიმე ახალი მინისტრის ვინაობა უკვე ცნობილია. საგარეო საქმეთა მინისტრი ტარო კონო თავდაცვის მინისტრი გახდება, საგარეო საქმეთა მინისტრის პოსტს კი, ეკონომიკის აღდგენის ყოფილი მინისტრი ტოსიმიცუ მოტეგი დაიკავებს.

ამ ინფორმაციას „ტასი“ ავრცელებს.