„ტორპედოს“ გულშემატკივრები, რომლებიც დღეს აქციას მართავდნენ, ქუთაისის მერს შეხვდნენ. ქუთაისის მერის, გიორგი ჭიღვარიას თქმით, მერია „ტორპედოს“ ყოფილი პრეზიდენტის, ზაალ ჩაჩავას წინააღმდეგ სასამართლოს სარჩელით დღესვე მიმართავს.
კლუბის გულშემატკივრები ამბობენ, რომ ფეხბურთელები სახელფასო დავალიანების გამო ვარჯიშზე გასვლაზე უარს ამბობენ და „ტორპედო“ არსებობის ბოლო წუთებს ითვლის.
აქციის მონაწილეები ადგილობრივ მთავრობას მოუწოდებენ, ვიდრე სამართლებლივი დავა იქნება, მანამდე გუნდის გადასარჩენად თანხები მოიძიონ.
გიორგი ჭიღვარიას თქმით, ადგილობრივ ბიუჯეტს თავისი სახსრებით „ტორპედოში“ არსებული პრობლემების მოგვარება არ შეუძლია.