მუნიციპალური ინფრასტრუქტურის რეაბილიტაციის ფარგლებში, ბარცხანაში მოსახლეობის წყალარინების და სანიაღვრე სისტემების ახალ ქსელზე გადართვა მიმდინარეობს.
როგორც „ინტერპრესნიუსს” შპს „ბათუმის წყლიდან“ აცნობეს, ამ ეტაპზე სამუშაოებს შრომის ქუჩაზე აწარმოებს.
„წყალარინების ახალ ქსელზე 50-ზე მეტი აბონენტი დაერთდება. მიმდინარე წლის იანვრიდან სექტემბრის ჩათვლით, წყალარინების ახალ ქსელზე 1000-ზე მეტი, სანიაღვრე ქსელზე კი, 700-ზე მეტი აბონენტი გადაერთო. ბარცხანის დასახლების წყალარინების ცენტრალური ქსელი და სატუმბი სადგური მუნიციპალიტეტისა და KFW თანამშრომლობისა და პროექტის ფარგლებში მოეწყო”, - აცხადებს შპს „ბათუმის წყლის“ დირექტორი, მარინე გვიანიძე.