რეპრესიებს ველოდებით, შესაძლოა, ეს რეპრესიები გაღრმავდეს, მაგრამ ჩვენ ვერ შეგვაფერხებს, - ამის შესახებ საზოგადოებრივი მოძრაობა „ლელოს" ერთ-ერთმა დამფუძნებელმა ბადრი ჯაფარიძემ ჟურნალისტებს ანაკლიაში განუცხადა.
ჯაფარიძის თქმით, მათ მიმართ „სრულმასშატბიანი რეპრესიები მიმდინარეობს".
„ერთი წელიწადია, არ დარჩენილა სახელმწიფო სტრუქტურა, რომელსაც რეპრესია არ განეხორციელებინა თავისი მიმართულებით. ველოდებით, შესაძლოა, ეს რეპრესიები გაღრმავდეს, მაგრამ ეს ჩვენ ვერ შეგვაფერხებს, რადგან მიგვაჩნია, რომ ამ ქვეყნისთვის აუცილებელია სხვა იმპულსის შემოტანა, გამაერთიანებელი იმპულსის შემოტანა. უნდა დავანებოთ ერთმანეთისათვის სამშობლოს მტრების ძახილს, იმიტომ, რომ ეს არის აბსოლუტურად დამანგრეველი, სახელმწიფოსთვის დამანგრეველი", - განაცხადა ჯაფარიძემ.