სახელმწიფო დეპარტამენტის პრესსპიკერი მორგან ორტაგუსი საქართველოს ოკუპირებულ ტერიტორიებზე შექმნილ ვითარებას კიდევ ერთხელ ეხმაურება.
როგორც ის სოციალურ ქსელში წერს, რუსეთის ქმედებები ძირს უთხრის სტაბილურობას რეგიონში.
„ჩვენ კიდევ ერთხელ მოვუწოდებთ რუსეთს, შეწყვიტოს საქართველოს ტერიტორიის უკანონო ოკუპაცია და შეასრულოს 2008 წლის ცეცხლის შეწყვეტის ხელშეკრულებით ნაკისრი ვალდებულებები. ბოლო ათწლეულის განმავლობაში, რუსეთის უკანონო, მავნე საქციელი ძირს უთხრის სტაბილურობასა და მშვიდობას რეგიონში“, - წერს სახელმწიფო დეპარტამენტის პრესსპიკერი მორგან ორტაგუსი.