მამუკა მდინარაძე - მამუკა ხაზარაძე პოლიტიკურ ველზე უფრო მარტივად დაიმკვიდრებდა ადგილს, თუ იმ ვალდებულებებს შეასრულებდა, რაც იმ ადგილთან დაკავშირებით აქვს, სადაც პრეზენტაცია გამართა

მამუკა ხაზარაძე პოლიტიკურ ველზე უფრო მარტივად დაიმკვიდრებდა ადგილს, თუკი იმ ვალდებულებებს შეასრულებდა, რა ვალდებულებებიც მას იმ ადგილთან დაკავშირებით აქვს, სადაც პრეზენტაცია გამართა - ასე გამოეხმაურა ფრაქცია „ქართული ოცნების“ თავმჯდომარე მამუკა მდინაძე „თიბისი ბანკის“ დამფუძნებლის მამუკა ხაზარაძის მიერ ანაკლიაში ახალი საზოგადოებრივი მოძრაობის პრეზენტაციას.

ჟურნალისტებთან საუბრისას მდინარაძემ აქცენტი იმაზე გააკეთა, რომ “ანაკლიის პორტთან დაკავშირებით არსებობს წლების განმავლობაში შეუსრულებელი ვალდებულებები, შემდეგ მიმართვა მთავრობისადმი, ვალდებულებების გადადება და იძულებითი სვლები“.

„ამ ადამიანს ამ ვალდებულების შესრულება უფრო მართალს გახდიდა. ვალდებულებების შეუსრულებლობის ფონზე იგივე ადგილიდან მოძრაობის დაანონსება საზოგადოების მიერ რამდენად სერიოზულად აღიქმება, ეს საზოგადოების გადასაწყვეტია. ნებისმიერი პოლიტიკური ძალის შექმნას მივესალმები, ამ ქვეყანაში კონკურენცია აბსოლუტურად თანაბარია, თუმცა თუკი ადამიანს ან პირთა ჯგუფს პოლიტიკური ამბიციები უჩნდება, ჯობია ის ვალდებულებები ქონდეს შესრულებული, რაც მან თავის თავზე აიღო“, - განუცხადა ჟურნალისტებს მამუკა მდინარაძემ.

კითხვაზე, რამდენად ძლიერ ოპოზიციური ძალად შეიძლება ჩამოყალიბდეს ხაზარაძის გაერთიანება, მდინარაძემ აღნიშნა, რომ ვერ შეაფასებს, რა იქნება იმ ადამიანების პოლიტიკური მომავალი, „რომლებმაც კონკრეტულ პროექტთან დაკავშირებით ნაკისრი ვალდებულებები არ შესრულეს“.

„თიბისი ბანკის“ დამფუძნებლის, მამუკა ხაზარაძის საზოგადოებრივი მოძრაობის სახელწოდება „ლელო“ იქნება. შესაბამისი განცხადება ხაზარაძემ ანაკლიაში გააკეთა, სადაც მოძრაობის პრეზენტაცია გამართა.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს
გალფი ტურისტული ზონების დასუფთავების მასშტაბურ აქციას იწყებს