თავდაცვის მინისტრს ახალი მოადგილე ყავს. ირაკლი ღარიბაშვილის მოადგილედ რატი ბრეგაძე დაინიშნა. ბრეგაძე მინისტრის მოადგილის პოსტის დაკავებამდეც აღმასრულებელ ხელისუფლებაში მუშაობდა. კერძოდ ის 2017 წლიდან დღემდე საქართველოს საგარეო საქმეთა სამინისტროში დიასპორასთან ურთიერთობის დეპარტამენტს ხელმძღვანელობდა.
ბრეგაძე ასევე 2016 წელს დიასპორის საკითხებში სახელმწიფო მინისტრის მოადგილის პოსტს იკავებდა. 2015-2016 წლებში მუშაობდა სსიპ განათლების საერთაშორისო ცენტრში აღმასრულებელი დირექტორის მოადგილედ. 2012 წლიდან 2015 წლამდე კი სპორტისა და ახალგაზრდობის საქმეთა მინისტრის მოადგილის პოსტს იკავებდა. ამავე პერიოდში კერძოდ 2012-2013 წლებში ხელმძღვანელობდა სსიპ ბავშვთა და ახალგაზრდობის ეროვნულ ცენტრს.