შპს ,,ბათუმის წყლის“ ქიმიურ-ბაქტერიოლოგიურმა საგამოცდო ლაბორატორიამ, აკრედიტაციის მოთხოვნა ISO / IEC 17025 და ISO 15189 შესაბამისად წარმატებით გაიარა. ამის შესახებ „ინტერპრესნიუსს“ შპს „ბათუმის წყლიდან“ აცნობეს.

„მოგახსენებთ, რომ ქიმიკოსებმა - დიდი ბრიტანეთის სასურსათო პროდუქციისა და გარემოს კვლევების საერთაშორისო სააგენტოს (FERA) მიერ FAPAS-ის სქემებით განხორციელებულ PT ტესტი, რაც ითვალისწინებდა სასმელ წყალში ძირითადი არაორგანული ნივთიერებების აღმოჩენას - ქლორიდები, სულფატები, საერთო სიხისტე, კალციუმი, მაგნიუმი, ფტორიდები. ჩვენი ლაბორატორიის ბაქტერიოლოგებმა კი - დიდი ბრიტანეთის ეროვნული ინსტიტუტის მიერ LGC -ის სქემით განხორციელებულ PT ტესტი - სასმელ, ზღვის/ჩამდინარე და ავზის წყალში მიკრობიოლოგიური კვლევები IDEXX -მეთოდით შემდეგ რიცხობრივ მაჩვენებლებზე: ა) საერთო კოლიფორმული ბაქტერიების აღმოჩენა და დათვლა; ბ) ფეკალური კოლიფორმული ბაქტერიების აღმოჩენა და დათვლა; გ) ფეკალური სტრეპტოკოკების აღმოჩენა და დათვლა; დ) E.coli -ს აღმოჩენა და დათვლა“, - განაცხადა ლაბორატორიის უფროსმა ლანა კეკუტიამ.

მათივე ინფორმაციით, ოთხწლიანმა სტატისტიკურმა ანგარიშებმა ცხადყო რომ, შპს „ბათუმის წყლის“ საგამოცდო ლაბორატორია წარმატებით ატარებს ლაბორატორიულ კვლევებს, რითაც კიდევ ერთხელ ადასტურებს თავის კომპეტენტურობას და შესაბამისობას საერთაშორისო სტანდარტის სსტ ისო/იეკ 17025:2017:2018-ის მოთხოვნების შესაბამისად.