ივანე მაჭავარიანი - მნიშვნელოვანია ზოგადად ინვესტიციები და ინვესტიციების ბუნება - იქნება უცხოური თუ ადგილობრივი, აბსოლუტურად მეორადი საკითხია

ძალიან მნიშვნელოვანია ზოგადად ინვესტიციები და ინვესტიციების ბუნება - იქნება უცხოური თუ ადგილობრივი, ეს აბსოლუტურად მეორადი საკითხია, - ამის შესახებ ფინანსთა მინისტრმა, ივანე მაჭავარიანმა პრემიერ-მინისტრ გიორგი გახარიას ხელმძღვანელობით ახალი მთავრობის პირველი სხდომის დასრულების შემდეგ განაცხადა.

მან უპასუხა კითხვას პირდაპირი უცხოური ინვესტიციების 54%-ით კლებასთან დაკავშირებით.

„ძალიან მნიშვნელოვანია ზოგადად ინვესტიციები, იქნება ეს უცხოური თუ ადგილობრივი და მნიშვნელოვანია ეკონომიკური ზრდა. ინვესტიციების ბუნება - იქნება უცხოური თუ ადგილობრივი, აბსოლუტურად მეორადი საკითხია. დამერწმუნეთ. რომ იცოდეთ, სხვადასხვა შეფასებით, საქართველოს ისტორიის განმავლობაში ყოველწლიურად რომ შემოდიოდა უცხოური ინვესტიციები 60-70 %, სინამდვილეში თავისი ბუნებით ქართული, ადგილობრივი ინვესტიციებია, გატანილია აქედან და შემოტანილია სხვადასხვა ქვეყნიდან ან ოფშორიდან. მარტო პირდაპირი უცხოური ინვესტიციები არ არის გადამწყვეტი და მთავარი საზომია ინვესტიციები და როდესაც გვაქვს ინვესტიციების კლება ზოდადად, რასაკვირველია, ესაა იმის ნიშანი, რომ ინვესტორების განწყობები, იქნება ეს ადგილობრივი, უცხოელი თუ კვაზი უცხოელი, რომლის უკანაც ადგილობრივი დგას, არის შედარებით დაბალ დონეზე“, - აღნიშნა მინისტრმა.

მანვე ისაუბრა იმის შესახებ, თუ რა იწვევს ინვესტორების განწყობების შემცირებას.

„არსებობს რამდენიმე ფაქტორი. ყველაზე მარტივი ქვეყნის შიგნით პროცესია - დაახლოებით 2 თვის წინ იყო დაძაბულობა, მთავრობის ცვლილება და ა.შ. - რასაკვირველია, ბიზნესი ამაზე რეაგირებს. აბსოლუტურად არ აქვს ბიზნესისთვის მნიშვნელობა, ვინ არის მართალი, ვინ - მტყუანი. მეორე - დაიძაბება ურთიერთობა მეზობელთან, იქნება ეს რუსეთი, თურქეთი თუ ვიღაც, იქაც არ აინტერესებთ მართალი და მტყუანი, ტემპერატურა რომ იწევს, განწყობები მცირდება. როგორც წესი, საქართველოში მთავარი ინვესტორები იყვნენ აზერბაიჯანი, ყაზახები, თურქები, ისრაელი და ა.შ. როდესაც ვამბობთ, რომ რეგიონიც ასე ვთქვათ, ეკონომიკურად დაძაბუნდა და პრობლემაა, რასაკვირველია, ჩვენ პირველად, მთავარ ინვესტორ ქვეყნებთან დაკავშირებით ესეც მოქმედებს“, - აღნიშნა მაჭავარიანმა.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა