ოკუპირებულ აფხაზეთში, რუსმა სამხედროებმა სწავლებები ჩაატარეს. ამის შესახებ ინფორმაციას sputnik-abkhazia ავრცელებს.
„წებელდის და ნაგვალოუს პოლიგონებზე მოტომსროლელებმა ტანკისტებთან და არტილერისტებთან ერთად სადაზვერვო რაზმის ბლოკირების და განადგურების მეთოდები, ასევე ფლანგიდან შესვლის, დივერსიული ჯგუფების მოძებნის და განადგურების ტაქტიკა დაამუშავეს. სწავლებაში მთლიანობაში 500 სამხედრო პირი და ტექნიკის 80 ერთეული მონაწილეობდა. მანევრები საბრძოლო სიტუაციასთან მაქსიმალურად მიახლოებულ პირობებში ჩატარდა. პოლიგონებზე მოწყობილი იყო სასწავლო სანაღმო ველები, მავთულხლართები და სხვა წინაღობები“, - ნათქვამია ინფორმაციაში.