საქართველოში ევროკავშირის ელჩის, კარლ ჰარცელის განცხადებით, რუსული პროპაგანდა საქართველოსთვის სერიოზული გამოწვევაა და ძალიან სერიოზულად უნდა იყოს აღქმული.

როგორც კარლ ჰარცელმა ჟურნალისტებს რუსული პროპაგანდის კომენტირებისას განუცხადა, ამ საკითხთან ბრძოლის კუთხის ევროპაში გამოფხიზლებაა.

„როგორც იცით, ევროპაში ზოგადი გამოფხიზლებაა ამ ფენომენთან დაკავშირებით. ამასთან დაკავშირებით ბრიუსელის დონეზეც ბევრი რამ გაკეთდა და უკვე სერიოზულია ძალისხმევა, თუ როგორ გაუმკლავდეს საზოგადოება ამას და რა ზომები მიიღოს მის წინააღმდეგ. საქართველოსთვისაც ეს არის სერიოზული გამოწვევა და ძალიან სერიოზულად უნდა იყოს აღქმული. ამ კონტექსტში ყოველთვის ვამბობ, რომ ამ კუთხით წარმატების მისაღწევად, გარედან მომდინარე ინფორმაციის შესწავლა უნდა მოხდეს. ქართული მედიისა და თქვენი, როგორც ჟურნალისტების როლიც ალბათ ისაა, რომ მაღალი სტანდარტი დაამკვიდროთ და არ იყოთ გამოყენებული ამ პროპაგანდის საშუალებად“, - განაცხადა კარლ ჰარცელმა.