ქუთაისში ასეულობით შენობა მიტოვებულია და ნადგურდება, - ამის შესახებ პარტია „თავისუფალი საქართველოს" თანათავმჯდომარე გოგი წულაია აცხადებს.
გოგი წულაიას თქმით, ქალაქის მასშტაბით მილიონობით ლარის ღირებულების ქონებაა უფუნქციოდ დარჩენილი და ადგილობრივი ხელისუფლება პრობლემით არ ინტერესდება.
„ქუთაისში ასობით შენობა უფუნქციოდ არის დარჩენილი და მოსახლეობისთვის საფრთხეს წარმოადგენს. მერიიდან გამოვითხოვეთ ინფორმაცია, ასეთი შენობების შესახებ და ვერ გვიპასუხეს, თითქოს ვერ გაიგეს ჩვენი მოთხოვნა. ამ შენობებთან გავმართავთ ბრიფინგს და ჩვენ მივაწოდებთ ინფორმაციას. ამასთან, მოვითხოვთ პასუხს, ვისია ეს შენობები და რატომ არ ხდება მათი გაყიდვა ან რეაბილიტაცია. მილიონობით ლარის ქონება ნადგურდება, ამასთან, საფრთხეს წარმოადგენს მოქალაქეებისთვის. არის ანტისანიტარია და მერია არც ინტერესდება ქალაქის ცენტრში არსებული მდგომარეობით", - განაცხადა გოგი წულაიამ. თემასთან დაკავშირებით, მერიაში ამ ეტაპზე კომენტარს არ აკეთებენ.