არჩილ თალაკვაძე მამუკა ხაზარაძის განცხადებაზე - რასაც ის საუბრობს, არის ამბავი, სადაც  ბიზნესმენები შეიკრიბნენ და სადავო საკითხები განიხილეს

პარლამენტის თავმჯდომარის არჩილ თალაკვაძის განცხადებით, მამუკა ხაზარაძის მიერ იმ ამბების გაჟღერება, რასაც ახლა აჟღერებს, კითხვის ნიშნებს იწვევს. ამის შესახებ ჟურნალისტებს პარლამენტის თავმჯდომარემ, არჩილ თალაკვაძემ საზოგადოებრივი მოძრაობა „ლელოს“ დამფუძნებლის, მამუკა ხაზარაძის იმ განცხადების კომენტირებისას განუცხადა, რომელიც ბიძინა ივანიშვილთან შეხვედრას ეხებოდა.

„ჩვენ მოვისმინეთ ბატონი ხაზარაძის მხრიდან, რომ ის აპირებს პოლიტიკური პარტიის შექმნას. შესაბამისად, მისი განცხადებები უნდა იყოს განხილული ძალიან ობიექტურ პრიზმაში.

ამბები, რომელსაც ის ახლა ახმოვანებს, იწვევს კითხვის ნიშნებს, თუ რატომ არ მოხდა ამ ამბების გახმოვანება მაშინ, როდესაც ჩათვალა, რომ ეს იყო მიუღებელი. რატომ მიიღო მან მონაწილეობა იმაში, რაც არ მოსწონს დღეს, ან თუ მიიღო მონაწილეობა, რატომ არ გააკეთა ამის შესახებ განცხადებები უშუალოდ იმ შეხვედრის შემდეგ.

მე ნამდვილად ვერ დაგიდასტურებთ, თუ ვინ იღებდა მონაწილეობას ამ შეხვედრაში, მაგრამ რასაც ის საუბრობს, არის ამბავი, სადაც ბიზნესმენები შეიკრიბნენ და სადავო საკითხები განიხილეს. ჩემი პასუხი ალბათ უნდა იყოს კანონმდებლობიდან გამომდინარე, საქართველოს კანონმდებლობა ბიზნესმენების შეკრებას და მათთვის საინტერესო საკითხების განხილვას არ კრძალავს, ხოლო სასამართლო და პროკურატურა არსებობდა მაშინაც, შეეძლო მიემართა, მას შეუძლია დღესაც მიმართოს შესაბამის ინსტიტუტებს“, - განაცხადა თალაკვაძემ.

შეგახსენებთ, საზოგადოებრივი მოძრაობა „ლელოს“ დამფუძნებელმა მამუკა ხაზარაძემ „პალიტრანიუსის“ გადაცემაში „360 გრადუსი“ ბიძინა ივანიშვილთან გამართული შეხვედრა გაიხსენა, რომელიც ვანო ჩხარტიშვილთან დავას ეხებოდა. მისი თქმით, შეხვედრას, მაშინდელი მთავარი პროკურორი ირაკლი შოთაძეც ესწრებოდა. ხაზარაძემ აღნიშნა, რომ სწორედ ამ შეხვედრის შემდეგ დაინახა, „თუ როგორ წყდებოდა ქვეყანაში საკითხები“.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ