როიტერსი - „საუდი არამკომ“ ტანკერებში ნავთობის ჩატვირთვა ნაწილობრივ განაახლა

სააგენტო „როიტერსი“ საკუთარ წყაროებზე დაყრდნობით იტყობინება, რომ საუდის არაბეთის ნავთობისა და გაზის სახელმწიფო კომპანიამ „საუდი არამკომ“ ზოგიერთი კლიენტისთვის ტანკერებში ნავთობის ჩატვირთვა განაახლა. ამ კლიენტების წარმომადგენლები პორტებში ადასტურებენ, რომ ჩატვირთვა ნორმალურად მიმდინარეობს, თუმცა ჯერ თავად კომპანია „საუდი არამკოს“ განცხადება საჯაროდ არ გაუვრცელებია.

„საუდი არამკოს“ ორ ობიექტზე ნავთობის მიწოდებაში შეფერხება უპილოტო საფრენი აპარატებით შაბათს განხორციელებულმა თავდასხმამ გამოიწვია. აფეთქებების და ხანძრის შედეგად, საუდის არაბეთის ექსპორტი დაახლოებით ორჯერ შემცირდა, რაც მსოფლიოში ნავთობის მიწოდების 5 პროცენტს უდრის. შედეგად მსოფლიოს ბირჟებზე ნავთობის ფასი დაახლოებით 13 პროცენტით გაიზარდა.

თავდასხმაზე პასუხისმგებლობა იემენელმა ჰუსიტებმა აიღეს, რომლებიც საუდის არაბეთთან ფაქტობრივად ომის მდგომარეობაში არიან. აშშ-ის ოფიციალური პირები, სახელმწიფო მდივან მაიკ პომპეოს ჩათვლით თავდასხმას აბრალებენ არა ჰუსიტებს, არამედ ირანს, რომელიც ჰუსიტების მოკავშირეა. ირანი თავდასხმაში მონაწილეობას უარყოფს.

საუდის არაბეთი ჯერ ვერ აცხადებს, თუ რამდენი ხანი დასჭირდება ნავთობის მიწოდების მთლიანად აღდგენას. ექსპერტების შეფასებით, ეს პროცესი შეიძლება რამდენიმე კვირა შეფერხდეს.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
პარტია „რეფორმერის“ თავმჯდომარე თორნიკე ჯანაშვილი - შევქმენით პრეცენდენტი, თუ როგორ შეიძლება აწარმოო თანამედროვე პოლიტიკური საარჩევნო კამპანია
„თეგეტა მოტორსი“ 25 წლის იუბილეს აღნიშნავს
სამსუნგის 8K რეზოლუციის ტელევიზორების ლაინაფით ახალ მწვერვალებს იპყრობს
მერაბ ჭიქაშვილი - როგორ შეიძლება კადრების ისე დადგმა, რომ მასში მონაწილეობა მაღალი თანამადებობის პირებს მიაღებინო? (R)
კახა ძაგანია - "ნაცმოძრაობის" მმართველობისას ყველაზე მეტი გარდაცვლილი პატიმარი იყო და ამაზე ყველა საერთაშორისო ორგანიზაცია წერდა (R)
გიორგი ლომია - "პატრიოტთა ალიანსი" ერთადერთი ძალაა, რომელიც სამართლიანობას აღადგენს (R)
ირმა ინაშვილი - ჩვენ არავის მივცემთ იმის უფლებას, რომ გამარჯვება წაგვართვან! (R)