ზუგდიდის მერმა  მოსწავლეებს სასწავლო წლის დაწყება მიულოცა

დღეს, საქართველოს მასშტაბით საჯარო სკოლებში ახალი სასწავლო წელი დაიწყო. როგორც „ინტერპრესნიუსს“ ზუგდიდის მერიიდან აცნობეს, ახალი სასწავლო წლის დაწყება მოსწავლეებს, პედაგოგებსა და მშობლებს, ზუგდიდის მუნიციპალიტეტის მერმა გიორგი შენგელიამ, სიმბოლურად, მშობლიური სსიპ მერაბ კოსტავას სახელობის ქალაქ ზუგდიდის N2 საჯარო სკოლიდან მიულოცა.

როგორც გიორგი შენგელიამ აღნიშნა, განათლება სახელმწიფო პრიორიტეტია და ბიუჯეტის 25 პროცენტი სწორედ განათლების სრულყოფასა და განვითარებას მოხმარდება.

„მიხარია, რომ დღეს თქვენთან ერთად მიწევს ამ ლამაზი დღის აღნიშვნა, ყველას გილოცავთ ახალი სასწავლო წლის დაწყებას, განსაკუთრებით ვულოცავ პირველკლასელებს, რომლებმაც პირველად შეაბიჯეს სკოლაში, დარწმუნებული ვარ წინ ძალიან მრავალფეროვანი და წარმატებული გზა ელით. ჩემთვის ამ სკოლაში ყველაფერი მშობლიურია. ყველა კუთხე ძვირფასი და მნიშვნელოვანია. ყოველთვის ვიქნებით განათლების გვერდით, რადგან განათლება ჩვენი მთავრობის ერთ-ერთი პრიორიტეტია. მთელი ბიუჯეტის 25% განათლების უფრო სრულყოფასა და განვითარებას მოხმარდება, ეს აისახება, როგორც პედაგოგების ანაზღაურებაში, ასევე ინფრასტრუქტურის მოწესრიგებაში, რაც უკვე დაწყებულია. წელს ზუგდიდის მუნიციპალიტეტი ახალ სასწავლო წელს, „მილენიუმის“ პროექტით სრულად რეაბილიტირებული 5 სკოლით ხვდება. ჩვენი მიზანია მუნიციპალიტეტის ყველა სკოლა ინფრასტრუქტურულად იყოს გამართული“, - აღნიშნა მიმართვისას გიორგი შენგელიამ.

ზუგდიდის მუნიციპალიტეტის მერიის ინფორმაციით, მეორე საჯარო სკოლაში მერთან ერთად, ქალაქ ზუგდიდის მაჟორიტარი დეპუტატი საქართველოს პარლამენტში მერაბ ქვარაიაც იმყოფებოდა.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
„თეგეტა მოტორსი“ 25 წლის იუბილეს აღნიშნავს
სამსუნგის 8K რეზოლუციის ტელევიზორების ლაინაფით ახალ მწვერვალებს იპყრობს
მერაბ ჭიქაშვილი - როგორ შეიძლება კადრების ისე დადგმა, რომ მასში მონაწილეობა მაღალი თანამადებობის პირებს მიაღებინო? (R)
კახა ძაგანია - "ნაცმოძრაობის" მმართველობისას ყველაზე მეტი გარდაცვლილი პატიმარი იყო და ამაზე ყველა საერთაშორისო ორგანიზაცია წერდა (R)
გიორგი ლომია - "პატრიოტთა ალიანსი" ერთადერთი ძალაა, რომელიც სამართლიანობას აღადგენს (R)
ირმა ინაშვილი - ჩვენ არავის მივცემთ იმის უფლებას, რომ გამარჯვება წაგვართვან! (R)