მამუკა მდინარაძე ოთარ კახიძეს - თქვენს მიერ დაანონსებულ ფსევდოპატრიოტულ ცეკვებში ვერ აგყვებით

თქვენს მიერ დაანონსებულ ფსევდოპატრიოტულ ცეკვებში ვერ აგყვებით, - ასე მიმართა ფრაქცია „ქართული ოცნების“ თავმჯდომარემ მამუკა მდინარაძემ, „ევროპული საქართველოს“ წევრს ოთარ კახიძეს იმ დადგენილების პროექტზე საუბრისას, რომელიც „ევროპულმა საქართველომ“ წარადგინა და რომელიც ოკუპაციის საკითხის საერთაშორისო დღის წესრიგში აქტუალიზაციას ეხება.

დეპუტატის შეფასებით, ოპოზიციის ქმედება და საუბარი ერთმანეთს არ ემთხვევა.

„რაც შეეხება თქვენს რეზოლუციებს და თქვენს დაანონსებულ ფსევდოპატრიოტულ ცეკვებს, ამ ცეკვებში ვერ აგყვებით, იმიტომ, რომ ეს არის მხოლოდ ერთი მიზნისკენ მიმართული, რომ თქვენ რაღაცნაირად საზოგადოება ან მოატყუოთ ჩვენთან დაკავშირებით - წარმოდგენებთან და კურსთან მიმართებით, ან საკუთარი თავი დააჯეროთ, რომ პროდასავლურად იქცევით. მაშინ, როდესაც რეზოლუციას ახსენებთ, მახსენდება 2008 წლის რეზოლუცია, მახსენდება თქვენი პროვოკაციული მოქმედებები, თქვენი რეალური პარტნიორები. სიტყვა არის ერთი და სიტყვას თუ საქმე არ დაემთხვა, ამ შემთხვევაში პროდასავლურობაზე ასე თამამად აღარ უნდა ვილაპარაკოთ“, - განაცხადა მდინარაძემ.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ