სასტუმრო "სტამბაში" თბილისის ფოტოგრაფიისა და მულტიმედიის მუზეუმი გაიხსნა. მუზეუმის გახსნას თბილისის მერი კახა კალაძე მოადგილესთან ერთად ესწრებოდა. თბილისის ფოტოგრაფიისა და მულტიმედიის მუზეუმი ფრანგი არტისტების დუეტის-ვენსენ მუნისა და პრისილა ტელმონის ვიდეოინსტალაციით "unus mundus: რიტუალები და ტრანსი" გაიხსნა.

თბილისის მერის მოადგილის სოფიო ხუნწარიას თქმით, ყველა პირობაა იმისთვის, რომ თბილისი რეგიონში კულტურის დედაქალაქი იყოს.

"მინდა ქალაქს მივულოცო კიდევ ერთი ახალი მულტიმედიური სივრცის შექმნა, საკმაოდ საინტერესო სივრცე გამოვიდა. რაც ყველაზე მნიშვნელოვანია, რეგიონში ფოტოგრაფიის მუზეუმი არის ერთადერთი და დაინტერესება არის ძალიან დიდი. ადგილზე არის მედიათეკაც, რომელსაც ჩვენ იანვრიდან შევუერთდებით და ერთობლივი მენეჯმენტი გვექნება ფოტოგრაფიის მუზეუმთან ერთად.

ვფიქრობ, რომ თბილისი ნამდვილად ღირსია, რომ იყოს რეგიონდი კულტურის დედაქალაქი და ამის ყველა პირიბა გაგვაჩნია",-განაცხადა სოფიო ხუნწარიამ.

ეს პირველი ინსტიტუციაა ამეიერკავკასიაში, რომელიც მთლიანად თანამედროვე გამოსახულებაზე- ფოტოგრაფიაზე, ახალ მედიასა და ვიდეოზე ფოკუსირდება. მუზეუმი შვეცარიის განვითარებისა და თანამშრიმლობის სააგენტოს დაფინანსებული პროექტის "სამხრეთ კავკასიური ფოტიგრაფიის ჰაბი განათლებისა და ინოვაციისთვის" ფარგლებში შეიქმნა.