სიერა-ლეონეს რესპუბლიკის პარლამენტის დელეგაცია ღია და გამჭვირვალე მმართველობის მუდმივმოქმედ საპარლამენტო საბჭოს შეხვდა

საქართველოს პარლამენტის ღია და გამჭვირვალე მმართველობის მუდმივმოქმედი საბჭოს წევრები - ირინა ფრუიძე, გუგული მაღრაძე და გიორგი ხატიძე დღეს სიერა-ლეონეს რესპუბლიკის პარლამენტის დელეგაციას შეხვდნენ.

როგორც „ინტერპრესნიუსს“ პარლამენტის პრესსამსახურიდან აცნობეს, სტუმრები საპარლამენტო ღიაობის, გამჭვირვალობისა და მოქალაქეთა ჩართულობის საკითხებით დაინტერესდნენ. ამასთან, ისაუბრეს ღია პარლამენტის მუდმივმოქმედი საპარლამენტო საბჭოს გამოცდილებაზე, სამოქალაქო საზოგადოებასთან ურთიერთობის საკითხებზე. ასევე, ქართველმა პარლამენტარებმა ისაუბრეს მომავალ სამოქმედო გეგმებზე და იმ ძირითად ინსტრუმენტებზე, რომლებიც პარლამენტში ბოლო რამდენიმე წლის განმავლობაში საპარლამენტო ღიაობისა და გამჭვირვალობის უზრუნველსაყოფად შეიქმნა.

სიერა-ლეონეს საპარლამენტო დელეგაციის წარმომადგენლები ასევე დაინტერესდნენ პარლამენტის წევრის ეთიკის კოდექსით და ეთიკის საბჭოს მუშაობით. როგორც მათ განაცხადეს, ქართველი კოლეგების გამოცდილებას გაიზიარებენ და თავიანთ პარლამენტში დანერგავენ.

სიერა-ლეონეს საპარლამენტო დელეგაცია ვესტმინსტერის ფონდის პროექტის ფარგლებში იმყოფება საქართველოში.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
„თეგეტა მოტორსი“ 25 წლის იუბილეს აღნიშნავს
სამსუნგის 8K რეზოლუციის ტელევიზორების ლაინაფით ახალ მწვერვალებს იპყრობს
მერაბ ჭიქაშვილი - როგორ შეიძლება კადრების ისე დადგმა, რომ მასში მონაწილეობა მაღალი თანამადებობის პირებს მიაღებინო? (R)
კახა ძაგანია - "ნაცმოძრაობის" მმართველობისას ყველაზე მეტი გარდაცვლილი პატიმარი იყო და ამაზე ყველა საერთაშორისო ორგანიზაცია წერდა (R)
გიორგი ლომია - "პატრიოტთა ალიანსი" ერთადერთი ძალაა, რომელიც სამართლიანობას აღადგენს (R)
ირმა ინაშვილი - ჩვენ არავის მივცემთ იმის უფლებას, რომ გამარჯვება წაგვართვან! (R)