თელავის საკრებულოს შენობაში ლოპოტა ჰესის მშენებლობის საკითხზე დისკუსია გაიმართა. ლაფანყურის მოსახლეობა კომპანიის წარმომადგენლებს, ხელისუფლებისა და გარემოდაცვით საკითხებზე მომუშავე არასამთავრო სექტორის წარმომადგენლებს შეხვდა.
ადგილობრივების განცხადებით, სოფელში ეკოლოგიური პრობლემები შეიქმნება, არ იქნება სასმელი და სარწყავი წყალი. მათივე თქმით, ისინი ძირითადად სოფლის მეურნეობით ირჩენენ თავს, წყლის დეფიციტის შემთხვევაში კი, მოსავალს ვერ მიღებენ.
მოსახლეობის არგუმენტს არ ეთანხმება ჰესის მშენებლი კომპანია.მათ შეხვედრაზე ის დოკუმენტაცია წარადგინეს, რაც მათი შეფასებით, ეკოლოგიურ საფრთხეებს გამორიცხავს.
კომპანია ასევე ლაფანყურის მოსახლეობას სამელიორაციო სისტემის და წყლის სათავე ნაგებობის სრულად მოწყობას ჰპირდება.