ოკუპირებულ აფხაზეთის „უმაღლესი სასამართლოს“ სხდომა, რომელსაც „პრეზიდენტობის“ დამარცხებული კანდიდატის ალხას კვიწინიას სარჩელი უნდა განეხილა, გადაიდო. გადადების მიზეზი მოსამართლეთა აცილების მოთხოვნა გახდა, რომელიც კვიწინიას მხარემ შეიტანა. მანამდე ერთ-ერთმა მოსამართლემ საკუთარი თავის აცილების თაობაზე თვითონ შეიტანა განცხადება.
გამარჯვებული კანდიდატის, მოქმედი „პრეზიდენტის“ რაულ ხაჯიმბას მხარე და პროკურატურა პროცესის გადადების წინააღმდეგ გამოვიდნენ, თუმცა სხდომა მაინც გადაიდო. კანონით „სასამართლოს“ აცილების საკითხის განსახილველად 24 საათი აქვს.
ამ ინფორმაციას „ტასი“ ავრცელებს.
