პრემიერ-მინისტრ გიორგი გახარიას განცხადებით, ის დაელოდება მამუკა ხაზარაძის სხვა განცხადებებს და მათზე კომენატრს ამის შემდეგ გააკეთებს.

ამის შესახებ პრემიერმა საზოგადოებრივი მოძრაობა „ლელოს“ დამფუძნებლის განცხადებაზე დასმული კითხვის საპასუხოდ თქვა.

კერძოდ, პრემიერს კითხვა მამუკა ხაზარაძის იმ განცხადებაზე დაუსვეს, რომელიც სხვადასხვა საშუალებებით მოძრაობის წევრების თვალთვალს ეხებოდა.

„ასევე განაცხადა წერილზე, ასევე განაცხადა ოქმზე და კიდევ ბევრი რამე განაცხადა. დაველოდებით ბოლომდე კიდევ რას განაცხადებს“, - აღნიშნა გიორგი გახარიამ.

შეგახსენებთ, საზოგადოევრივი მოძრაობა „ლელოს“ დამფუძნებლის, მამუკა ხაზარაძის ინფორმაციით, „მათ ბოლო პერიოდში ძალიან ბევრი მანქანა დაყვება და ძალიან ბევრი კამერა დამონტაჟდა ყველა იმ ოფისში, სადაც მოძრაობის წევრები იკრიბებიან“.