ოკუპირებული აფხაზეთის „უმაღლესმა სასამართლომ“ ე.წ.პრეზიდენტობის დამარცხებული კანდიდატის ალხას კვიწინიას ადვოკატის მოთხოვნა „სასამართლოს“ მთელი შემადგენლობის აცილების შესახებ არ დააკმაყოფილა.
„უმაღლესი სასამართლოს“ თავმჯდომარის მოადგილის ომარ ბერულავას განცხადებით, კვიწინიას ადვოკატის გარეგინ მიტნიას მოთხოვნა სასამართლოს მთელი შემადგენლობის აცილების თაობაზე არ დაკმაყოფილდა, რადგან უსაფუძვლოა.
კვიწინიას ადვოკატი მოთხოვნას „სასამართლოს“ შემადგენლობის ფორმირების დროს მომხდარი დარღვევებით ასაბუთებდა, „უმაღლეს სასამართლოს“ კი მიაჩნია, რომ არანირი დარღვევა არ ყოფილა.
ალხას კვიწინიას სარჩელს „სასამართლო“ 19 სექტემბერს, 11.00 საათზე დანიშნულ სხდომაზე განიხილავს.
ამ ინფორმაციას „აფსნიპრესი“ ავრცელებს.